Pobo croata
Os croatas (en croata: hrvati) son unha nación e pobo eslavo que viven principalmente en Croacia e Bosnia e Hercegovina, pero tamén son unha minoría oficialmente recoñecida en Austria, República Checa, Hungría, Polonia, Italia, Montenegro, Romanía, Serbia, Eslovenia e Eslovaquia. Por mor de situacións políticas, sociais e económicas, moitos croatas migraron a outros lugares de Europa (especialmente Alemaña, Austria, Suíza, Francia e Italia) e América (particularmente os Estados Unidos de América, o Canadá, a Arxentina e Chile).
| Pobo croata | |
|---|---|
 Rapazas croatas. | |
| Poboación | |
| Poboación total: c 9 millóns | |
| Rexións principais: | |
 Croacia | 3 874 321 (2011) census[1] |
 Bosnia e Hercegovina | 544 780 (2013)[2] |
 Alemaña | 227 510 – 350 000 (est )[3] |
 Austria | 150 719 (2001) |
 Serbia | 57 900 (2011) |
 Suíza | 40 484 (2006) |
 Francia | 40 000 (est )[4] |
 Eslovenia | 35 642 |
| Aspectos culturais | |
| Lingua | Lingua croata |
| Relixión | Católicos |
| Grupos relacionados | Pobos eslavos |
Os croatas son principalmente católicos. A lingua croata é oficial en Croacia e Bosnia e Hercegovina, así como na Unión Europea, e está recoñecida como lingua minoritaria nas comunidades croatas de Montenegro, Austria (Burgenland), Italia (Molise), Romanía (Carașova, Lupac) e Serbia (Voivodina).