Selección de fútbol do Uruguai

O Uruguai é un dos equipos máis exitosos do mundo, xa que conquistou dezanove competicións oficiais, xa sexan recoñecidas pola FIFA ou por outras Confederacións. Trátase de dúas edicións da Copa Mundial de Fútbol, dúas edicións dos Xogos Olímpicos, unha Copa de Ouro de Campións Mundiais, tamén chamada Mundialito, e catorce edicións da Copa América. Historicamente o fútbol foi un elemento fundamental no que refire ao afianzamento da nacionalidade uruguaia e á proxección internacional da imaxe do Uruguai como país, nos comezos do século XX.^[1]

Foi ademais a primeira selección, xunto á da Arxentina, en xogar un partido internacional fóra das Illas Británicas, concretamente o 16 de maio de 1901 en Montevideo, con triunfo arxentino por 3 a 2. Un antecedente indica que habería outro partido anterior, aínda que non coas seleccións de cada país, senón con seleccións de cada capital, Bos Aires e Montevideo, o 15 de agosto de 1889, onde dous equipos representativos das capitais de ámbolos países enfrontáronse en conmemoración do setenta aniversario da raíña Vitoria de Inglaterra. Supostamente o partido tivo lugar no chamado New Ground de La Blanqueada e terminou co triunfo do conxunto arxentino por 3 a 0.^[2]

O alcume da selección, "La Celeste" (do castelán: A Celeste), provén da primeira vitoria internacional do equipo o 15 de agosto de 1910 por 3 a 1, sendo este xustamente o primeiro partido no que empregou a súa camiseta celeste, adoptada como emblema nacional en recoñecemento ao triunfo que pouco antes conseguira o River Plate uruguaio ante o poderoso Alumni arxentino por 2 a 1 con eses mesmas cores. Posteriormente, a selección uruguaia sería a primeira campioa do continente derrotando aos arxentinos na final da Copa América 1916, disputada na cidade de Bos Aires.

A nivel mundial, o Uruguai comezou a brillar de xeito temperán cando alcanzou as medallas douradas nos Xogos Olímpicos de París 1924 e Ámsterdan 1928. A Selección uruguaia cegou en Europa coas súas presentacións olímpicas e gañouse a admiración e o respecto do universo deportivo, colocando ao fútbol suramericano no máis alto plano de consideración nunha época en que devandito continente era aínda ignorado no mapa internacional do fútbol.^[3] Durante 76 anos, o Uruguai foi o único país suramericano en ocupar o máximo sitial olímpico, honra actualmente compartida coa Arxentina que dende Atenas 2004 é medalla de ouro, repetindo o logro nos últimos xogos de Pequín 2008. A diferenza é que desde 1930 os títulos olímpicos do fútbol non valen un campionato do Mundo como aqueles. Por iso, o Uruguai recoñécese a si mesmo como tetra-campión do Mundo, e de aí o mantén as catro estrelas no escudo da súa camiseta.

O Uruguai, como Bicampión olímpico, foi elixido para celebrar a primeira Copa Mundial de Fútbol de 1930. Neste torneo, derrotou novamente á Arxentina, por 4-2, alzándose como o primeiro gañador da Copa do Mundo neste deporte. En 1950, o Uruguai confirmou a súa estirpe triunfal derrotando ó Brasil na final da Copa Mundial de Fútbol de 1950. Este evento mítico é coñecido mundialmente como o Maracanazo, un logro deportivo histórico e un dos momentos máis dramáticos e inesquecibles da historia do fútbol. Anos despois, "La Celeste" volveu estar en semifinais dun Mundial de en 1954 e 1970 mais sen a mesma sorte.

A partir de entón, aínda que a nivel continental o fútbol uruguaio seguiu conquistando títulos até mediados dos anos noventa, a nivel Mundial a selección uruguaia non volveu a acadar os resultados de antaño, aínda que en 2010 volveu a acadar as semininais dun mundial, rematando finalmente no cuarto posto. Así e todo, en 1980, o equipo uruguaio consagrouse campión do único e máximo torneo oficial até o momento, a Copa de Ouro de Campións Mundiais, mellor coñecida como Mundialito, torneo organizado pola FIFA que reuniu a todos os Campións do Mundo, fóra de Inglaterra, que se negou a participar, substituída polos Países Baixos, para celebrar o cincuentenario da primeira edición dos campionatos mundiais, que se desenvolveu no Uruguai en 1930. A selección do Uruguai destacouse futbolisticamente tanto a nivel mundial como a nivel continental, compartindo coa Arxentina o primeiro lugar en cantidade de Copas América, ambos con 14, seguidos polo Brasil, con 8. É un dos equipos con máis trofeos do fútbol mundial, o que é aínda máis destacable nun país cunha poboación que apenas supera o tres millóns de habitantes.

Local

Desde o primeiro partido internacional, en 1901, até 1910, o Uruguai non tivo un uniforme oficial. O primeiro partido xogouno co uniforme do club montevideano Albion FC. Durante ese tempo "experimentou" cunha gran cantidade de uniformes, ata que en 1910, con motivo de disputarse VI Copa Lipton fronte á selección de fútbol da Arxentina, esta comunicou oficialmente que adoptara o uniforme celeste e branco. Ante isto o delegado do Montevideo Wanderers, Ricardo Le Bas, propuxo que o Uruguai adoptase así mesmo un uniforme oficial, pero quen fixo súa a moción foi Héctor Rivadavia Gómez, quen naquela época era o diregente da liga Uruguaia de Football.Por ese entón o River Plate FC de Montevideo, tras obter por segunda vez o Campionato Uruguaio de Fútbol, venceu ao equipo porteño Alumni, xogando co seu uniforme alternativo de cor celeste. Debido a este logro, a selección uruguaia adquiriu esa cor para o seu uniforme

1889

1901

1901 – 1910

1901 – 1910

1901 – 1910

1901 – 1910

1901–1910

1910–1934

1935

1936–1990

1991–1996

1997–2009

Dende 2010

Visitante

A camiseta de alternativa de cor vermella foi utilizada por primeira vez durante o Campionato Suramericano de 1935, tamén coñecido como o Suramericano de Santa Beatriz. O último partido do devandito torneo foi disputado o 27 de xaneiro de 1935 entre a Arxentina, que xogou con camiseta de cor branca; e o Uruguai, con camiseta vermella. Os charrúas lograron a vitoria por 3 a 0 e o título suramericano. A camiseta de alternativa vermella foi adoptada formalmente en 1991.

Anterior a 1991 no mundial de 1970 contra Italia por exemplo, utilizouse unha camiseta de alternativa cor branca. Esta utilizouse tamén no mundial de México 1986, na Copa América 1987, na Copa América 1989, no mundial de Italia 1990 e no mundial de Suráfrica 2010 na vitoria por 3 tantos contra 0 ante o país organizador durante a fase de grupos.

Copa América

Copa América
1916	Campión	1917	Campión
1919	Final - 2º lugar	1920	Campión
1921	3º lugar	1922	3º lugar
1923	Campión	1924	Campión
1925	Retirouse	1926	Campión
1927	Final - 2º lugar	1929	3º lugar
1935	Campión	1937	4º lugar
1939	Final - 2º lugar	1941	Final - 2º lugar
1942	Campión	1945	4º lugar
1946	4º lugar	1947	3º lugar
1949	6º lugar	1953	3º lugar
1955	4º lugar	1956	Campión
1957	3º lugar	1959	6º lugar
1959	Campión	1963	Retirouse
1967	Campión	1975	Semifinais
1979	Primeira Rolda	1983	Campión
1987	Campión	1989	Final - 2º lugar
1991	Primeira fase	1993	Cuartos de final
1995	Campión	1997	Primeira fase
1999	Final - 2º lugar	2001	4º lugar
2004	3º lugar	2007	4º lugar
2011	Campión
2015	Cuartos de final
2016	Primeira fase
Táboa xeral: 1º posto
Pts PX PG PE PP GF GC Dif Rend 342 186 104 30 52 386 212 +174 61,3%

Enfrontamentos en Mundiais

Partidos da Copa do Mundo (por equipo)
Total: 47 partidos xogados – 18 vitorias – 12 empates – 17 derrotas – 76 goles favor – 65 goles contra
Equipo	PX	V	E	D	GF	GC		Equipo	PX	V	E	D	GF	GC		Equipo	PX	V	E	D	GF	GC
Francia	3	1	2	0	2	1		Colombia	1	1	0	0	2	1		Israel	1	1	0	0	2	0
Suecia	3	1	0	2	3	6		Unión Soviética	2	1	0	1	2	2		Perú	1	1	0	0	1	0
Alemaña Federal	3	0	1	2	1	6		España	2	0	2	0	2	2		Senegal	1	0	1	0	3	3
Corea do Sur	2	2	0	0	3	1		Italia	2	0	1	1	0	2		Bulgaria	1	0	1	0	1	1
Escocia	2	1	1	0	7	0		Países Baixos	2	0	0	2	2	5		Ghana	1	0	1	0	1	1
Inglaterra	2	1	1	0	4	2		Dinamarca	2	0	0	2	2	8		Alemaña	1	0	0	1	2	3
México	2	1	1	0	1	0		Bolivia	1	1	0	0	8	0		Hungría	1	0	0	1	2	4
Arxentina	2	1	0	1	4	3		Romanía	1	1	0	0	4	0		Austria	1	0	0	1	1	3
Brasil	2	1	0	1	3	4		Suráfrica	1	1	0	0	3	0		Bélxica	1	0	0	1	1	3
Iugoslavia	2	1	0	1	7	4		República Checa	1	1	0	0	2	0

Máis partidos disputados

Actualizado a 13 de novembro de 2017

Máximos goleadores da selección

Actualizado a 13 de novembro de 2017.

Outros artigos

• Maracanazo
• Federación Uruguaia de Fútbol
• Mundial de Fútbol Uruguai 1930
• Mundial de Fútbol Brasil 1950

Ligazóns externas

• Arquivo de resultados da RSSSF