Shenzhou 7
Shenzhou 7 foi a terceira misión tripulada chinesa e a primeira na que levaron a cabo unha excursión extravehicular. Foi lanzada o 25 de setembro de 2008 mediante un foguete CZ-2F desde o Centro de Lanzamento de Satélites de Jiuquan.[2][3][5]
| Shenzhou 7 | |
|---|---|
| Tipo | Tripulada |
| Data de lanzamento | 25 de setembro de 2008, 13:10 GMT[1][2][3][4] |
| Foguete portador | CZ-2F[2][5] |
| Sitio de lanzamento | Centro de Lanzamento de Satélites de Jiuquan[2][6] |
| Duración da misión | 2,85 días[2][6] |
| Obxectivo da misión | Terceiro voo tripulado dunha misión chinesa.[2][6] |
| Regreso | 29 de setembro de 2008[1][6] |
| NSSDC ID | 2008-047A |
| Masa | 7800 kg[2][5][6] |
Características
Shenzhou 7 foi a primeira misión chinesa na que se levou a cabo unha excursión extravehicular ou paseo espacial e tamén a primeira en levar a bordo a tres astronautas: Zhai Zhigang, Liu Buoming e Jing Haipeng. Serían Zhai Zhigang e Liu Buoming quen farían o paseo espacial, o primeiro vestido cun traxe espacial Feitian desenvolvido pola China e o segundo esperando no módulo orbita despresurizado polo que saíra Zhai, vestido cun traxe ruso Orlan por se surxía algunha emerxencia. A saída tivo unha duración de 20 minutos, nos cales non tivo lugar ningún incidente. A misión tivo unha duración de case tres. A cápsula de reentrada regresou a terra o 29 de setembro.[2][4][5]