Turnix suscitator

É unha das especies máis pequenas do seu xénero. Ten a forma típica dos Turnix, con plumaxe parda avermellada na parte superior con pintas claras e anteada na inferior, densamente veteada en negro o peito e a gorxa. A femia é de maior tamaño, coas partes inferiores veteadas en branco e negro e cunha mancha negra na garganta e parte superior do peito. As súas patas e peteiro son de cor gris azulada e o iris dos seus ollos é esbrancuxado amarelado. Aliméntase de insectos e é remiso a botarse a voar.

Atópase no subcontinente indio, o sueste asiático até as Filipinas polo leste, as illas da Sonda polo sur, estando presente en todas as illas maiores salvo Borneo. Atópase na maior parte da India e Sri Lanka,^[2] rodeando o Himalaia até altitudes de 2500 m, e tamén no sur de China.

Encóntrase na maior parte do hábitat da rexión salvo nos bosques densos e os desertos, e tamén está presente nos campos de cultivo.

Recoñécense as seguintes subespecies segundo unha orde filoxenética da lista do Congreso Ornitolóxico Internacional:^[3]

• T. s. plumbipes (Hodgson, 1837) - Nepal, nordeste da India e norte de Birmania
• T. s. bengalensis (Blyth, 1852) - Centro e sur de Bengala (nordeste da India)
• T. s. taigoor (Sykes, 1832) - India (excepto anteriores)
• T. s. leggei (Baker, ECS, 1920) - Sri Lanka
• T. s. okinavensis (Phillips, AR, 1947) - Sur de Kyushu até as Ryukyu (Xapón)
• T. s. rostratus (Swinhoe, 1865) - Taiwán
• T. s. blakistoni (Swinhoe, 1871) - Leste de Birmania até sur da China e norte de Indochina
• T. s. pallescens (Robinson & Baker, ECS, 1928) - Sur e centro de Birmania
• T. s. thai (Deignan, 1946) - Noroeste e centro de Tailandia
• T. s. interrumpens (Robinson & Baker, ECS, 1928) - Sur de Birmania e Tailandia
• T. s. atrogularis (Eyton, 1839) - Península Malaia
• T. s. suscitator (Gmelin, JF, 1789) - Sumatra, Xava, Bawean, Belitung, Bangka e Balí
• T. s. powelli (Guillemard, 1885) - Lombok até Alor (illas menores da Sonda)
• T. s. rufilatus (Wallace, 1865) - Célebes
• T. s. haynaldi (Blasius, W, 1888) - Palawan e illas próximas (oeste de Filipinas)
• T. s. fasciatus (Temminck, 1815) - Luzón, Mindoro, Masbate, Sibuyán (norte de Filipinas)
• T. s. nigrescens (Tweeddale, 1878) - Cebú, Guimarás, Negros, Panay (Filipinas)

Bibliografía

• Birds of India by Grimmett, Inskipp and Inskipp, ISBN 0-691-04910-6

Ligazóns externas

• BirdLife Species Factsheet Arquivado 29 de setembro de 2007 en Wayback Machine.
• Barred Buttonquail videos, photos & sounds on the Internet Bird Collection