Vegas Golden Knights
Os Vegas Golden Knights son un equipo profesional de hóckey sobre xeo da cidade de Las Vegas (Nevada, Estados Unidos). Fundados en 2016 como equipo de expansión, compiten na National Hockey League (NHL) dende a tempada 2017-18, quedando encadrados na Pacific Division da Conferencia Oeste. O equipo xoga os seus partidos como local no T-Mobile Arena, situado no suburbio de Paradise. Na súa primeira tempada na NHL o equipo conseguiu proclamarse campión da súa división na liga regular, e da Conferencia Oeste nos play-offs, converténdose así no terceiro equipo que chegaba ás finais da Stanley Cup na súa primeira tempada logo dos Toronto Arenas (1918) e os St. Louis Blues (1968).[1]
| Vegas Golden Knights | |
|---|---|
 | |
| Fundación | 2016 |
| Cidade | Las Vegas, Nevada Estados Unidos |
| Estadio | T-Mobile Arena (17.500 espectadores) |
| Liga | National Hockey League |
| Conferencia | Oeste |
| División | Pacific |
| Propietario(s) |  Bill Foley Familia Maloof |
| Director |  George McPhee |
| Adestrador | Gerard Gallant |
| Cores | Gris aceiro, dourado, vermello e negro |
| Na rede | |
| https://www.nhl.com/goldenknights/ | |
     | |
Personalidades
Xogadores
Números retirados
Aínda que a franquía non ten ningún número retirado, o equipo non pode empregar o número 99 para ningún dos seus xogadores, xa que este foi retirado de todos os equipos da liga en honor a Wayne Gretzky o 6 de febreiro do ano 2000 durante o Partido das Estrelas celebrado na cidade de Toronto (Canadá).[2]
Adestradores
O 13 de abril de 2017 o director xeral dos Vegas Golden Knights, George McPhee, anunciaba ao canadense Gerard Gallant como primeiro adestrador da franquía. Gallant chegou aos Golden Knights logo de adestrar durante máis de dúas tempadas (entre 2014 e 2016) aos Florida Panthers,[3] de onde foi cesado o 27 de novembro de 2016 logo dun mal inicio de tempada.[4]
| Nº | Nome | Tempadas | Liga regular | Play-offs | ||||||||
|---|---|---|---|---|---|---|---|---|---|---|---|---|
| PA | V | D | E | OT | Pts % | PA | V | D | % V | |||
| 1 | Gerard Gallant | 13 de abril de 2017 | Adestrador actual | |||||||||
Directores xerais
O primeiro director xeral da franquía é o canadense George McPhee, nomeado o 13 de xullo de 2016. McPhee xa fora director xeral dos Washington Capitals entre 1997 e 2014,[5][6] e ocupara outros cargos directivos nos Vancouver Canucks e os New York Islanders.[7]
| Nº | Nome | Período | Notas |
|---|---|---|---|
| 1 | George McPhee | 13 de xullo de 2016- | [8] |
Trofeos
Trofeos colectivos
- Clarence S. Campbell Bowl
O Clarence S. Campbell Bowl é actualmente o trofeo outorgado ao campión da Conferencia Oeste. Os Golden Knightss gañaron este galardón na súa primeira tempada de existencia:[9]
- 2018