Čornjow
Čornjow (němsce Zschorna) je wjes we wuchodosakskim Budyskim wokrjesu a słuša wot lěta 1994 k Bukečanskej gmejnje. Leži sewjerowuchodnje hłowneje wsy gmejny.
| |||||
| gmejna: | Bukecy | ||||
| zagmejnowanje: | 1977 (do Kotec) | ||||
| wobydlerstwo: | 106 (31. decembra 2022)[1] | ||||
| přestrjeń: | 2,46 km² | ||||
| wysokosć: | 225 metrow n.m.hł. | ||||
51.15861111111114.622222222222225 | |||||
| póstowe čisło: | 02627 | ||||
| předwólba: | 035939 | ||||
| wotwodźene słowa: |
| ||||
 Powětrowy wobraz Čornjowa | |||||
wikidata: Čornjow (Q160654) | |||||
Geografija
Wjes leži we wuchodnym dźělu Hornjołužiskich honow we wysokosći 225 m nad mórskej hładźinu wyše rěčki Kotołki, kotraž je tule Łusčansku skalu wutworiła. Přez Čornjow wjedźe wokrjesna dróha K7230 (Wujezd–Kotecy), wot kotrejež wotbočuje K7232 do Koporc.
Susodne wjeski su Łusk na sewjeru, Špikały na juhowuchodźe, Wujezd na juhu a Kołwaz na juhozapadźe.
Ležownostne mjena
Michał Rostok naliči 1887 slědowace serbske ležownostne mjena: Smjetanca, Šibjeńca, Dołki, Knopinka, Hribowka, Sowiny, Na Kozołskim, Wětrowy.[2]
Stawizny
.jpg)
Prěnje historiske naspomnjenje jako Czornaw je z lěta 1381.[3] Ležownostne knjejstwo we wsy měješe přez lětstotki Čornjowske ryćerkubło.
We 1880tych lětach měješe wjes po Mukowej statistice cyłkownje 189 wobydlerjow, z nich 167 Serbow (88 %) a 22 Němcow.[4] Arnošt Černik zwěsći w lěće 1956 serbski podźěl wobydlerstwa wot hišće 62,3 %.[5]
Hač do lěta 1977 běše Čornjow samostatna krajna gmejna a potom hač do 1994 gmejnski dźěl Kotec. Při gmejnskej reformje 1994 bu přerjadowany do Bukečanskeje gmejny. Hižo ze starodawna bě słušał do Bukečanskeje wosady.
Wosobiny
- Handrij Kerk (1822–1894); kubler a zapósłanc Sakskeho krajneho sejma; narodźeny w Čornjowje
- Korla Awgust Jenč (1828–1895); farar w Palowje, literarny stawiznar a serbski rěčespytnik; narodźeny w Čornjowje
- Jan Awgust Kerk (1865–1938); wučer a spisaćel; narodźeny w Čornjowje
Žórła
Wotkaz
Commons: Čornjow – Zběrka wobrazow, widejow a awdiodatajow.svg){kind=small}