Šešow
Šešow (němsce Zescha) je wjes w sakskej Hornjej Łužicy a leži w Budyskim wokrjesu. Wot lěta 1978 słuša ke gmejnje Njeswačidło. Leži 145 m nad mórskej hładźinu, štyrnaće kilometrow na sewjerozapad wot Budyšina blisko rěčki Čornica. Susodnej wsy stej Njeswačidło (na juh) a Niža Wjes (na sewjer).
gmejna: | Njeswačidło | ||||
zagmejnowanje: | 1978 | ||||
wobydlerstwo: | 276 (31. decembra 2022)[1] | ||||
wysokosć: | 145 metrow n.m.hł. | ||||
51.28722222222214.32145 | |||||
póstowe čisło: | 02699 | ||||
předwólba: | 035933 | ||||
wotwodźene słowa: |
| ||||
Powětrowy wobraz z juha | |||||
wikidata: Šešow (Q160520) |
Stawizny
Prěnje historiske naspomnjenje jako Zchesschow[2] pochadźa z lěta 1357.
Wot lěta 1890 měješe wjes zastanišćo při železniskej čarje Budyšin–Rakecy, kotraž wjedźeše wot 1908 dale hač do Wojerec. W lěće 1999 zastajichu wosobowy wobchad a 2001 so čara zawrě.
Wobydlerstwo a rěč
Po Mukowej statistice měješe Šešow we 1880tych lětach cyłkownje 285 wobydlerjow, z nich 267 Serbow (94 %) a 18 Němcow.[3] Arnošt Černik zwěsći w lěće 1956 serbski podźěl wobydlerstwa wot jenož hišće 44,7 %.[4]
Po ludličenju w lěće 2011 bydlachu we wsy 309 wobydlerjow w přerěznej starobje wot 43,3 lět (Sakska: 46,4).[5]
Ewangelscy Šešowčenjo přisłušeja Njeswačanskej wosadźe.
Ležownostne mjena
Arnošt Muka je slědowace Šešowske ležownostne mjena w swojej Statistice zapisał: Wjelkownja, Krušwy, Włohi, Sedlišća, Smohi, Wumjeńky, Brylowka, Fijany a Kóčowski hat.
Wosobiny
- Helmut Rychtar (1942–2022) – serbski dramaturg, awtor a rozhłosownik