Wojerecy
Wojerecy (delnjoserbsce Wórjejce, němsce Hoyerswerda, we wobchadnej rěči Hoywoj abo Hoywoy) su wulke wokrjesne město na sewjeru sakskeho wokrjesa Budyšin a po wobydlerstwje třeće najwjetše město Hornjeje Łužicy. Leža při Čornym Halštrowje na južnej kromje Łužiskeje jězoriny a su hospodarski centrum srjedźneje Łužicy.
němsce | Hoyerswerda | |
Wopon | ||
---|---|---|
Zakładne daty | ||
stat | Němska | |
zwjazkowy kraj | Sakska | |
wokrjes | Budyski | |
wysokosć | 117 metrow n.m.hł. | |
přestrjeń | 95,53 km² | |
wobydlerstwo | 31.356 (31. dec 2022)[1] | |
hustosć zasydlenja | 328 wob. na km² | |
póstowe čisło | 02977 | |
předwólba | (+49) 03571 | |
awtowa značka | BZ, BIW, HY, KM | |
Politika a zarjadnistwo | ||
wyši měšćanosta | Torsten Ruban-Zeh (SPD) | |
adresa | S. B. Frencelowa 1 02977 Wojerecy | |
webstrona | hoyerswerda.de | |
Połoženje Wojerec w Sakskej | ||
wikidata: Wojerecy (Q14904) |
Město słuša do připóznateho sydlenskeho ruma Serbow w Sakskej.
Stawizny
Sydlišćo na tutym městnje wobsteješe prawdźepodobnje wot 12. lětstotka. We wopismje Mišnjanskeho biskopstwa z lěta 1225 naspomni so cyrkej we Wojerecach. W lěće 1423 dóstachu Wojerecy měšćanske prawa, wostachu pak hač do 1950tych lět małe krajne město bjez nadregionalneho wuznama. Hakle ze zahajenjom wudobywanja brunicy w srjedźnej Łužicy bu město po planje wutwarjene a přirosće wot někak 10.000 wobydlerjow w lěće 1956 na wjace hač 71.000 w lěće 1981. Po přewróće a kóncu brunicy zhubichu Wojerecy swoju centralnu rólu we Łužiskim brunicowych rewěrje a ličba wobydlerstwa so w jenož 25 lětach zaso połojcowaše.
Měšćanske dźěle
K Wojerecam słušeja nimo stareho a noweho města slědowace měšćanske dźěle:[2]
- Brětnja-Michałki (Bröthen/Michalken), 1.389 wobydlerstwo
- Čorny Chołmc (Schwarzkollm), 850 wob.
- Ćisk (Zeißig), 939 wob.
- Hórnikecy (Knappenrode), 722 wob.
- Němcy (Dörgenhausen), 697 wob.
Politika
Město słuša k sakskemu wólbnemu wokrjesej 55 (Budyšin 4) a k zwjazkowemu wólbnemu wokrjesej 156 (Budyšin I).
Partnerske města
Wobchad
Wojerecy leža při křižowanišću zwjazkoweju dróhow B 96 (do Budyšina a Złeho Komorowa) a B 97 (do Drježdźan a Choćebuza). Nimo toho wjedźe tež železniska čara Lipsk–Falkenberg–Zhorjelc přez město. We wosobowym wobchadźe wobstejitej zwiskaj do Lipska (ze S-Bahnu) a Zhorjelca (přez liniju OE 64, tak mjenowany shuttle jězorina-Nysa).
Wot 1989 do 1994 wobsteješe w měsće wobchadny zawod Trolleybus Wojerecy.
Literatura
- Manfred Laduš: Ze serbskeje wsy na kupach městačko nastało. SN, 25. meje 2018 [předźenak], str. 3
Žórła
Wotkazy
- Webstrony města Wojerec (němsce)
- Wojerecy w Digitalnym stawizniskim zapisu městnow Sakskeje (němsce)
Biskopicy |Bóšicy |Budestecy |Budyšin |Bukecy |Dobruša-Huska |Frankenthal |Großharthau |Großnaundorf |Halštrow |Halštrowska Hola |Haselbachtal |Hodźij |Hornja Hórka |Chrósćicy |Kamjenc |Kinspork |Kubšicy |Kulow |Kumwałd |Łaz |Łuty |Łužnica |Malešecy |Neukirch |Njebjelčicy |Njedźichow |Njeswačidło |Ohorn |Ottendorf-Okrilla |Pančicy-Kukow |Połčnica |Porchow |Radeberg |Radwor |Rakecy |Ralbicy-Róžant |Ramnow |Sćenjow |Sepicy |Smělna-Póckowy |Sprjewiny Doł |Swětła |Šěrachow-Korzym |Wachow |Warnoćicy |Wjazońca |Wjelećin |Wojerecy |Wołbramecy |Worklecy |Wóslink |Wóspork |Wulka Dubrawa |Wulke Rědorjecy |Załom |Zemicy-Tumicy
Zarjadniske zjednoćenstwa/zwjazki:
Biskopicy |Budestecy-Hornja Hórka |Großharthau |Kinspork |Njeswačidło |Połčnica |Při Klóšterskej wodźe