Běły Chołmc
Běły Chołmc (němsce Weißkollm) je wjes w sewjeru hornjołužiskeho wokrjesa Budyšin, kotraž słuša wot lěta 1994 k Łazej. Ma wjace hač wósom stow wobydlerjow.
gmejna: | Łaz | ||||
zagmejnowanje: | 1994 | ||||
wobydlerstwo: | 716 (31. decembra 2016)[1] | ||||
přestrjeń: | 22,44 km² | ||||
wysokosć: | 121 metrow n.m.hł. | ||||
51.41638888888914.391111111111121 | |||||
póstowe čisło: | 02999 | ||||
předwólba: | 035724 | ||||
wotwodźene słowa: |
| ||||
Kapałka na Běłochołmčanskim kěrchowje | |||||
wikidata: Běły Chołmc (Q160209) |
Geografija
Wjes – po sydlišćowej formje rozšěrjeny kulowc – leži při Małej Sprjewje w sewjernym dźělu Łazowskeje gmejny, něhdźe dźesać kilometrow wuchodnje Wojerec. Centrum Łaza je někak tři kilometry na juh wot Běłeho Chołmca. Na sewjerozapadźe nadeńdźe so susodna wjeska Roholń, na juhowuchodźe Třižonjanski jězor a na sewjerowuchodźe Łazowski.
Stawizny
Prěnje historiske naspomnjenje jako Colmen pochadźa z lěta 1495. Ležownostne knjejstwo wukonješe přez lětstotki ryćerkubło we wsy samej.[2]
W lěće 1884 měješe wjes hromadźe z Tyhelkom po Mukowej statistice 580 wobydlerjow, mjez nimi 530 Serbow (91 %).[3] Arnošt Černik zwěsći 1956 serbski podźěl wobydlerstwa wot jenož hišće 46 %.[4] Cyrkwinsce słušachu wobydlerjo ze starodawna do Łazowskeje wosady.
Wosobiny
- Korla Błažij (1864–1932) – šewc, zakitowar serbstwa
- Jan Cuška (1766–1795) – burski wjednik