Bukojna (Malešecy)
Bukojna (němsce Buchwalde) je hornjołužiska wjes při Lubaće we wuchodźe sakskeho wokrjesa Budyšin. Leži někak štyrnaće kilometrow na sewjerowuchod wot Budyšina a někak wósom kilometrow na sewjerozapad wot Wósporka we wysokosći 147 metrow nad mórskej hładźinu. Słuša wot lěta 1994 k Malešecam.
| |||||
| gmejna: | Malešecy | ||||
| zagmejnowanje: | 1974 (do Barta) | ||||
| wobydlerstwo: | 151 (31. decembra 2022)[1] | ||||
| přestrjeń: | 6,05 km² | ||||
| wysokosć: | 147 metrow n.m.hł. | ||||
51.2414.578055555556147 | |||||
| póstowe čisło: | 02694 | ||||
| předwólba: | 035932 | ||||
| wotwodźene słowa: |
| ||||
 | |||||
wikidata: Bukojna (Q160856) | |||||
Susodne wjeski su Dubrawka we wuchodźe, Bart w juhowuchodźe, Hlina w zapadźe a Hućina w sewjerozapadźe.
Stawizny
Prěnje historiske naspomnjenje jako Buchinwalde je z lěta 1280[2].
Wobydlerstwo a rěč
W lěće 1884 měješe wjes po Mukowej statistice 299 wobydlerjow, mjez nimi 279 Serbow (93 %).[3] Arnošt Černik zwěsći w gmejnje 1956 serbski podźěl wobydlerstwa wot 64 %.[4] Ewangelscy wobydlerjo słušeja do Bartskeje wosady.
Po ludličenju w lěće 2011 bydlachu we wsy 142 wobydlerjow w přerěznej starobje wot 42,2 lět (Sakska: 46,4).[5]
Kulturne pomniki
Škitane kulturne pomniki w Bukojnje su dwě bróžni něhdyšeho ryćerkubła a cyłkownje pjeć domskich z hródźu.
Wosobiny
- Handrij Falka (1837–1917) – ludowy basnik
- Jaroměr Hendrich Imiš (1819–97) – farar, narodny a kulturny prócowar
- Jurij Ludovici (1619–73) – farar, rěčespytnik, basnik, awtor najstaršeje gramatiki hornjoserbšćiny
Literatura
- Buchwalde/Bukojna. W: Oberlausitzer Heide- und Teichlandschaft (= Werte der deutschen Heimat. Zwjazk 67). 1. nakład. Böhlau, Köln/Weimar/Wien 2005, ISBN 978-3-412-08903-0, str. 317sl.
Žórła
Wotkaz
Commons: Bukojna – Zběrka wobrazow, widejow a awdiodatajow.svg){kind=small}