Hanzo Juro Swora
delnjoserbski farar a słownikar
Hanzo Juro Swora (němsce Johann Georg Zwahr; * 6. oktobra 1785 w Hajnku, † 19. julija 1844 w Tšadowje) bě delnjoserbski farar a słownikar.
Narodźi so jako syn wučerja w Hajnku pola Choćebuza a studowaše po zakónčenju Choćebuskeho gymnazija w Hali teologiju. Wot 1812 hač do swojeje smjerće w lěće 1844 skutkowaše jako farar w dźensa wotbagrowanym Tšadowje pola Grodka.
Swora napisa prěni delnjoserbsko-němski słownik, kotryž bu pak hakle po jeho smjerći wot syna Jana Karla Fryca w Grodku wudaty. Słownik wotbłyšćuje wotprawdźity staw rěče a wobsahuje tež krótke informacije wo nałoženym prawopisu a wo fleksiji. Słužeše tak jako wučbnica spisowneje delnjoserbšćiny.
Twórby
- Niederlausitzisch-wendisch-deutsches Handwörterbuch von J. G. Zwahr, Spremberg 1847
Žórło
- Frido Michałk: Zwahr, Johann Georg. W: Jan Šołta, Pětr Kunze, Franc Šěn (wud.): Nowy biografiski słownik k stawiznam a kulturje Serbow. Ludowe nakładnistwo Domowina, Budyšin 1984, str. 650
- Česko-lužické styky v 1. polovině 19. století// Česko-lužický věstník, XVII Číslo 9/září 2007, str. 56
🔥 Top keywords: Hłowna stronaWikipedija:PomocDruha swětowa wójnaWikipedijaJendźelšćinaSpecialnje:Aktualne změnyWikipedija:KorčmaWaginalny wobchadZjednoćene staty AmerikiDiskusija:Hłowna stronaHornjoserbšćinaCSSFinskaSpecialnje:PytaćIndiskaWikipedija:Ekscelentne nastawkiZjednoćene kralestwoDonjeckKozarcyHTMLGooglePředłoha:Cite webIndoneskaWikipedija:Požadane přełožkiWikipedija:ŽórłaPornografijaSernjanyKumkwatJužna KorejaPomoc:Kak stronu spisaćRuskaPomoc:PřizjewjenjeNižozemskaWikipedija:AdministratorojoEuropaWodowa krasnica17. aprylaBiologijaKoordinowany swětowy čas