Kalawa
Kalawa (němsce Calau) je delnjołužiske městačko w južnej Braniborskej. Ma něhdźe wósom a poł tysac wobydlerjow a słuša do serbskeho sydlenskeho ruma.
| němsce | Calau | |
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj |  Braniborska | |
| wokrjes | Hornje Błóta-Łužica | |
| wysokosć | 93 metrow n.m.hł. | |
| přestrjeń | 163,5 km² | |
| wobydlerstwo | 7.650 (31. dec 2021)[1] | |
| hustosć zasydlenja | 47 wob. na km² | |
| póstowe čisło | 03205 | |
| předwólba | (+49) 03541 | |
| awtowa značka | OSL, CA, SFB | |
| Politika a zarjadnistwo | ||
| wyši měšćanosta | Werner Suchner (bjezstronski) | |
| adresa | Naměsto měra 1 03205 Kalawa | |
| webstrona | calau.de | |
| Połoženje w Braniborskej | ||
 | ||
wikidata: Kalawa (Q532803) | ||
Geografija
Městačko leži wosrjedź Delnjeje Łužicy při južnej kromje Błótow a něhdźe 25 kilometrow zapadnje Choćebuza.
Měšćanske dźěle
K městu słušeja wjeski Bólašojce (Bolschwitz), Bukow (Buckow), Chańc (Gollmitz), Jazory (Groß Jehser), Kamjeny (Kemmen), Kšupow (Craupe), Młoźe (Mlode), Synjeńce (Zinnitz), Śerpšow (Erpitz), Wjerchownja (Werchow), Wólšyna (Erlenau), Zasłomjeń (Saßleben), Změšow (Groß Mehßow) a wobydlene gmejnske dźěle Batowk (Bathow), Jazorce (Mallenchen), Kałkojce (Kalkwitz), Kobłej (Cabel), Radowańk (Radensdorf), Rochusowy Doł (Rochusthal), Rudna (Reuden), Škódow (Schadewitz), Wjelchna (Plieskendorf), Žrakow (Schrakau), Zarěc (Säritz), Změšowk (Klein Mehßow) a Žytym (Settinchen).
Stawizny
Mjeno Kalawa wotwodźuje so wot staroserbskeho słowa kal, štož tak wjele kaž žumpadło abo łuža woznamjeni. Město so pisomnje 1279 prěni raz naspomni. W Kalawje dawaše tehdy hród z mjenom Dunkelsburg a ležeše w sewjero-zapadźe města. Ale hižo w 16. lětstotku bě tutón sylnje rozpadnjeny. Dźensa so jenož hišće někotre zbytki něhdyšich murjow namakaja. Město ležeše při wikowanskim křižowanišću, tak zo so w srjedźowěku tam wěste derjeměće wuwiwaše. W pózdnym srjedźowěku započa so na pózdnjogotiskej halowej cyrkwi twarić, kotraž hišće dźensa wobraz města wobknježi.
Kalawa běše hižo ze 14. lětstotka wokrjesne město. To zaležeše po wšěm zdaću na tehdyšim dominowacym hospodarskim połoženju města porno druhim bliskim městam južnje Błótow. Teritoriji wokrjesa pak so přez lětstotki často přeměnješe. W měsće běše serbšćina nimo němčiny wobchadna rěč hač do prěnjeje połojcy 19. lětstotka. W Mukowej statistice jewja so Kałkojce jako jenička wjes na teritoriju dźensnišeho města. Tam zwěsći Muka hišće šěsć serbskorěčnych wobydlerjow.
Kubłanje
Na Kalawskej Carla Anwandterowej zakładnej šuli poskića so delnjoserbšćina jako cuza rěč.[2]
Partnerske města
- Viersen (Němska)
Žórła
Wotkazy
Commons: Kalawa – Zběrka wobrazow, widejow a awdiodatajow- Webstrona města Kalawa
- Kalawa w datowej bance delnjoserbskich městnych mjenow na dolnoserbski.de (delnjoserbsce)
