Kopšin
Kopšin (němsce Kopschin) je hornjołužiska wjeska ze sydomnaće wobydlerjemi[2] w srjedźišću wokrjesa Budyšin. Z lěta 1974 słuša ke gmejnje Chrósćicy. Wjetšina wobydlerjow serbuje.
| ||
| gmejna: | Chrósćicy | |
| wobydlerstwo: | 17 (31. decembra 2023)[1] | |
| wysokosć: | 180 metrow n.m.hł. | |
51.22638888888914.251388888889180 | ||
| póstowe čisło: | 01920 | |
| předwólba: | 035796 | |
 Bukec křiž w Kopšinje | ||
wikidata: Kopšin (Q162628) | ||
Při sewjernej kromje wjeski – za Satkulu – so Kopšinjanske hrodźišćo namaka. Tam předstaji so dnja 16. awgusta 1936 dźiwadłowa hra „Paliwaka“ před 5000 přihladowarjemi, štož bě poslednje wulke serbske zarjadowanje do Druheje swětoweje wójny.
Geografija
Wjeska leži na lěwym brjoze Satkule, napřećo hrodźišću, něhdźe 1,3 kilometry južnje Chrósćic. Susodne wsy su Prawoćicy na sewjerowuchodźe, Nuknica na wuchodźe, Lejno na juhu a Zejicy na juhozapadźe.
Stawizny
Sydlišćo naspomni so prěni raz w lěće 1343 jako Kobschiwn a słušeše w 16. lětstotku k Łuhowskemu a wot 17. lětstotka k Worklečanskemu ryćerkubłu.[3]
Po Mukowej statistice z lětow 1884/85 rěčachu tehdy wšitcy 34 Kopšinjenjo serbsce.[4] Katolscy wobydlerjo přisłušeja Chróšćanskej wosadźe.
Swójby
Adresowa kniha z lěta 1901 podawa za Kopšin slědowace swójby: Jakub Bjer (Behr, čo. 2), Mikławš Ješki (Jeschky, gmejnski předstejićer Nuknicy, čo. 1) a Michał Skala (čo. 3).[5]
Hlej tež
Žórła
Wotkaz
Commons: Kopšin – Zběrka wobrazow, widejow a awdiodatajow