Liberecký kraj
Liberecký kraj je jedyn ze štyrnaće krajow Čěskeje republiki. Nadeńdźe so w sewjernych Čechach a ma něhdźe 440.000 wobydlerjow. Zarjadniske sydło a z něhdźe 100.000 wobydlerjemi najwjetše město je Liberec.
| |||
| Zakładne daty | |||
|---|---|---|---|
| přestrjeń | 3.163 km² | ||
| wobydlerstwo | 441.300 (1. jan 2018)[1] | ||
| hustosć zasydlenja | 140 wob. na km² | ||
| sydło | Liberec | ||
| awtowa značka | L | ||
| websydło | kraj-lbc.cz | ||
 | |||
Liberecký kraj mjezuje z Delnjošleskim wojewódstwom na sewjeru, z Královéhradeckim krajom na juhowuchodźe, Srjedźočěskim krajom na juhu, Ústeckim krajom na zapadźe a ze Sakskej na sewjerozapadźe. Wobsteji z 216 gmejnow a je po přestrjeni najmjeńši kraj w Čěskej nimo Prahi. Najwažnišej rěce w Libereckim kraju stej Jizera na wuchodźe a Łužiska Nysa, kotraž so tule wužórli. Sewjernu hranicu tworja Łužiske a Jizerske horiny; na samym juhowuchodźe słuša tež podźěl Kyrkonošow do kraja.
Wokrjesy
Ke krajej słušeja slědowace wokrjesy (čěsce okres):
| Přehlad wokrjesow | ||||
|---|---|---|---|---|
| Okres | přestrjeń (km²) | gmejny (města) | ||
| Okres Česká Lípa (CL) | 1073 | 57 (11) | ||
| Okres Jablonec nad Nisou (JN) | 402 | 34 (8) | ||
| Okres Liberec (LT) | 989 | 59 (11) | ||
| Okres Semily (LN) | 699 | 65 (9) | ||
| cyłkownje | 3163 | 216 (39) | ||
Wokrjesy hraja wot lěta 2003 jenož hišće statistisku rólu a nimaja wjace zarjadnisku funkciju.
Města
Najwjetše města Libereckeho kraja su:
| město | wobydlerstwo 1. januara 2018[2] |
|---|---|
| Liberec | 103.979 |
| Jablonec nad Nisou | 45.771 |
| Česká Lípa | 37.405 |
| Turnov | 14.312 |
| Nový Bor | 11.699 |
Žórła
Wotkaz
Commons: Liberecký kraj – Zběrka wobrazow, widejow a awdiodatajow