Mülheim an der Ruhr
Mülheim an der Ruhr je němske bjezwokrjesne wulkoměsto z něhdźe 170.000 wobydlerjemi na zapadźe Poruhrskeje w Sewjerorynsko-Westfalskej. Leži nad rěku Ruhr mjez wulkoměstomaj Duisburgom a Essenom kaž tež bliskej krajnej stolicu Düsseldorf. Na sewjeru nadeńdźe so susodne město Oberhausen. Mülheim słuša k metropolowemu regionej Ryn-Ruhr.
| ||
| Wopon | ||
|---|---|---|
| ||
| Zakładne daty | ||
| stat |  Němska | |
| zwjazkowy kraj |  Sewjerorynsko-Westfalska | |
| knježerstwowy wobwod | Düsseldorf | |
| wokrjes | bjezwokrjesne | |
| wysokosć | 40 metrow n.m.hł. | |
| přestrjeń | 91,28 km² | |
| wobydlerstwo | 170.739 (31. dec 2021)[1] | |
| hustosć zasydlenja | 1870 wob. na km² | |
| póstowe čisła | 45468–45481 | |
| předwólby | (+49) 0208, 02054 | |
| awtowa značka | MH | |
| Politika a zarjadnistwo | ||
| wyši měšćanosta | Ulrich Scholten (SPD) | |
| adresa | Am Rathaus 1 45468 Mülheim an der Ruhr | |
| webstrona | muelheim-ruhr.de | |
| Połoženje w Sewjerorynsko-Westfalskej | ||
 | ||
wikidata: Mülheim an der Ruhr (Q2899) | ||
Historisce słuša město – hromadźe z Kettwigom a Werdenom – k najsewjernišim dźělam Bergiskeho kraja. Sydlišćo naspomni so prěni raz jako Mulinhem w lěće 1093 a dósta 1808 měšćanske prawa. Lětstotk pozdźišo měješe prěni raz wjace hač 100.000 wobydlerjow.
Po strukturowej změnje je něhdyše hórnistwowe město dźensa sydło wšelakich hospodarskich branšow, dweju Maxa Planckoweju institutow a w lěće 2009 załoženeje wysokeje šule Ruhr West.
Wobrazy
Hród Broich
Napohlad města wokoło 1840
Naměsto při synagoze
Wosobiny
- Hugo Stinnes (1870–1924), předewzaćel a politikar (DVP)
- Wim Thoelke (1927–1995), sportowy moderator
- Helge Schneider (* 1955), hudźbnik, komikar, režiser a dźiwadźelnik
- Hannelore Kraft (* 1961), politikarka (SPD), 2010–17 ministerska prezidentka
- Carolin Emcke (* 1967), publicistka
Žórła
Wotkaz
Commons: Mülheim an der Ruhr – Zběrka wobrazow, widejow a awdiodatajow