Morawa

Tutón zapisk zaběra so z historiskim regionom. Nastawk wo rěce ze samsnym mjenom nadeńdźe so pod Morawa (rěka).

Morawa (čěsce Morava, němsce Mähren) je jedyn z historiskich krajow Čěskeje. Rozpřestrěwa so we wuchodnym dźělu Čěskeje republiki, historisce wšak słuša k njej tež sydlišćo U Sabotů (wot 1998 přemjenowane na "Měšćanski dźěl Šancy"), kotrež leži wot lěta 1997 w Słowakskej.

Morawa

zakładne daty
dźěl stata	Čěska
rozčłonkowanje	tuchwilne rozčłonkowanje njewobkedźbuje historiske krajne hranicy, Morawa dźěli so dźensa do krajow a wokrjesow
stolica	Brno
přestrjeń	22 349 km²[1]
hymna	Moravo, Moravo Jsem Moravan (Sym Morawjen)[2]
Rěč	čěšćina (morawske narěče)
narodnosće	Češa, Morawjenjo
karta
p • d • w

Z Morawu mjezuja na zapadźe Čechi (344 km), na juhu awstriski zwjazkowy kraj Delnja Awstriska, na juhowuchodźe słowakski Trnawski kraj, na wuchodźe słowakski Trenčinski kraj, na sewjerowuchodźe słowakski Žilinski kraj a Čěska Šleska a na sewjerozapadźe pólska Šleska, konkretnje Kłodzki region.

Jako stolica Morawy płaći Brno, a to hižo wot lěta 1641. Před tym bě hłowne město Olomouc, kotraž słuša tež nadal k wuznamnym historiskim městam Morawy.

Srjedźowěkowe Wulkomorawske mócnarstwo płaći jako prěni wjetši słowjanski stat.