Ottawa
Ottawa (jendźelsce [ˈɒtəwə], francosce [ɔtaˈwa]) je zwjazkowa stolica Kanady. Nadeńdźe so we wuchodnym dźělu prowincy Ontario nad rěku Ottawa a bjezposrědnje při hranicy z prowincu Québec. Mjeno města woznamjenja „wikowar“ w rěči ludu Algonkinow, kotryž za čas wobsydlenja tule wikowaše. Při druhim brjoze rěki leži město Gatineau.
| ||
| Wopon | ||
|---|---|---|
| ||
| Zakładne daty | ||
| stat |  Kanada | |
| prowinca |  Ontario | |
| wysokosć | 70 metrow n.m.hł. | |
| přestrjeń | 2.778,64 km² | |
| wobydlerstwo | 883.391 (2011) | |
| hustosć zasydlenja | 317,9 wob./km² | |
| póstowe čisło | K0A–K4C | |
| předwólba | (+) 343 | |
| webstrona | ottawa.ca | |
 | ||
| Parlamentowa hora w Ottawje | ||
Z nimale 900.000 wobydlerjemi je Ottawa štwórte najwjetše město Kanady. Metropolowy rum Ottawa-Gatineau ma wjace hač 1,2 milionaj wobydlerjow. Hłowna rěč w měsće je jendźelšćina, při čimž wučini francoskorěčna mjeńšina někak 15 % ludnosće. Město je oficielnje dwurěčne a sydło dweju uniwersitow.
W měsće knježi włóžna kontinentalna klima z wulkej šěrokosćow ekstremnych temperaturow. Přerězne temperatury leža pola –15 do –6° C w januarje a pola 15 do 26° C w juliju.
Stawizny
Dolina Ottawy bě hižo před 6500 lětami wobsydlena. Jako prěni Europjan přińdźe w lěće 1610 Étienne Brûlé k rěce. 1613 zetka so Samuel de Champlain tule z włodyku Tessouat a mjenowaše wobydlerjow tuteje kónčiny „Oudaouais“. W lěće 1759 přińdźe wokolina pod britiske knjejstwo. W lěće 1800 zasydli so skupina sydlerjow na městnje dźensnišeho Gatineau.
1827 naspomni so prěni raz sydlišćo Bytown při twarnišću Rideauweho kanala. Mjeno pochadźa wot kolonela John By, kiž bě twarski nawoda kanala wot 1826 do 1832. 1839 měješe sydlišćo 2073 wobydlerjow a w lěće 1850 spožčichu so jemu měšćanske prawa. Wot 1. januara 1855 rěkaše oficielnje Ottawa.
Jako dyrbješe britiska kralowna Victoria w lěće 1857 wubrać stolicu za prowincu Kanada, rozsudźi so za Ottawu, kotraž ležeše sprěnja při hranicy mjez najwjetšimaj rěčnymaj skupinomaj w kraju a zdruha dosć zdalene wot hranicy Zjednoćenych statow. Z wustawowym zakonjom lěta 1867 sta so Ottawa ze zwjazkowej stolicu.
Wobrazarnja
Kanadiski parlament
Wyše sudnistwo
Radnica Ottawy
Nacionalna galerija
Satelitowy wobraz městow Ottawa a Gatineau
.jpg)
Wotkaz
Commons: Ottawa – Zběrka wobrazow, widejow a awdiodatajow