Zabrod

Zabrod (němsce Sabrodt; 1936–47 Wolfsfurt) je hornjołužiska wjes z 281 wobydlerjemi^[2] w samym sewjeru Budyskeho wokrjesa, kotraž słuša z lěta 1995 ke gmejnje Halštrowska Hola. Leži při krajnej hranicy z Braniborskej při zwjazkowej dróze B156.

Zabrod
Sabrodt

DEC
gmejna:	Halštrowska Hola
zagmejnowanje:	1995
wobydlerstwo:	281 (31. decembra 2016)[1]
wysokosć:	113 metrow n.m.hł.
51.52514.285277777778113 Koordinaty: 51° 31′ 30″ S, 14° 17′ 7″ W
póstowe čisło:	02979
předwólba:	03564
wotwodźene słowa:	wobydler/ka: Zabrodźan/-ka adjektiw: Zabrodski skłonowanje: Zabroda, Zabrodej, Zabrod, Zabrodom, w Zabrodźe
Posledni wjelk Němskeje, tak mjenowany „Zabrodski tiger“
wikidata: Zabrod (Q15126781)

Wjeska naspomni so prěni raz w lěće 1380 jako Zabrod.^[3] Ležownostne knjejstwo měješe wot 16. do 19. lětstotka Wojerowske stawowe knjejstwo. We 1880tych lětach měješe Zabrod po statistice Arnošta Muki cyłkownje 306 wobydlerjow, z nich 301 Serb (98 %) a jenož pjeć Němcow.^[4] Arnošt Černik zwěsći w lěće 1956 serbski podźěl wot 72,7 %.^[5] Ewangelscy wobydlerjo přisłušeja z lěta 1670 Blunjanskej wosadźe, do toho Wojerowskej.

Blisko Zabroda zatřěli so w lěće 1904 posledni wjelk w Němskej.