Zahor
Zahor (němsce Berge) je wjesny dźěl gmejny Budestecy w Sakskej z 61 wobydlerjemi.[2]
| |||||
| gmejna: | Budestecy | ||||
| zagmejnowanje: | 1936 | ||||
| wobydlerstwo: | 61 (31. decembra 2022)[1] | ||||
| wysokosć: | 270 metrow n.m.hł. | ||||
51.11664444444414.429641666667270 | |||||
| póstowe čisło: | 02692 | ||||
| předwólba: | 035938 | ||||
| wotwodźene słowa: |
| ||||
_2.jpg) Kocorowy pomnik a chěža ze stołom w Zahorju | |||||
wikidata: Zahor (Q819466) | |||||
Geografija
Zahor leži juhowuchodnje Budyšina při dróze z Budestec do Hornjeje Hórki we Łužiskich horach. Wjeska leži při sewjerowuchodnej skłoninje 384 m wysokeje Słónčneje Hory nad dolinje Sprjewje. na zapadźe přesaha 447,4 m wysoki Mnišonc Zahor.
Ležownostne mjena
Michał Rostok naliči 1887 slědowace serbske ležownostne mjena: W Dźělinach, W Dolinach, W Liwinach.[3]
Stawizny
Prěni króć naspomni so wjeska w lěće 1374 jako Bergk a 1486 jako Perig.[4] Hač do lěta 1486 přisłušeše wjeska najprjedy k ležownosćam w Jiłocach a po tym ke klóštrej Marijina hwězda. Zahor so 1936 do Budestec zagmejnowaše.
Za swoju statistiku naliči Arnošt Muka 1883/84 145 wobydlerjow, mjez kotrymiž běchu 112 Serbja (77%) a 33 Němcy.[5] Tehdy ležeše Zahor na južnej kromje serbskorěčneho teritorija w Hornjej Łužicy. Ewangelscy wobydlerjo přisłušeja Budestečanskej wosadźe.
Wosobiny
W Zahorju so 1822 serbski komponist Korla Awgust Kocor narodźi. Před jeho ródnym domom dopomina 22. septembra 1929 poswjećeny pomnik na njeho. W lěće 1912 narodźi so nakładnistwowy lektor a serbski spisowaćel Albert Wawrik w Zahorju, hdźež 1988 tež zemrě.
Žórła
Wotkazaj
Commons: Zahor – Zběrka wobrazow, widejow a awdiodatajow- Zahor w Digitalnym stawizniskim zapisu městnow Sakskeje (němsce)
.svg){kind=small}