Ալեխանդրո Գառնաչո

Ծնունդով Մադրիդից Գառնաչոն 2015-2020 թվականներին հանդես է եկել «Ատլետիկո Մադրիդ» ակումբի երիտասարդական թիմում։ 2020 թվականի հոկտեմբերին միացել է «Մանչեսթեր Յունայթեդ» ակումբի երիտասարդական թիմին։ 2022 թվականի ապրիլի 28-ին իր նորամուտը նշել է «Մանչեսթեր Յունայթեդի» հիմնական կազմում Պրեմիեր լիգայի շրջանակներում «Չելսիի» դեմ խաղում^[1]։ 2022 թվականի մայիսի 11-ին նվաճել է Անգլիայի երիտասարդական գավաթը՝ երկու գոլ խփելով «Նոթինգհեմ Ֆորեստի» դեմ եզրափակիչ խաղում^[2]։ 2022 թվականի նոյեմբերի 3-ին խփել է իր առաջին գոլը ակումբի կազմում իսպանական «Ռեալ Սոսիեդադի» դեմ ՈւԵՖԱ Եվրոպայի լիգայի խմբային փուլի խաղում^[3]։ 2022 թվականի նոյեմբերի 13-ին խփել է իր առաջին գոլը Պրեմիեր լիգայում «Ֆուլհեմի» դեմ խաղում, որն ակումբին 2-1 հաշվով հաղթանակ է պարգևել^[4]։

2023 թվականի ապրիլի 28-ին նոր պայմանագիր է կնքել «Մանչեսթեր Յունայթեդի» հետ, որը նախատեսված է մինչև 2028 թվականի հունիսը^[5]։ 2023 թվականի դեկտեմբերի 26-ին դուբլ է ձևակերպել «Աստոն Վիլլա» ակումբի դեմ Պրեմիեր լիգայի խաղում, որն ավարտվել է «Յունայթեդի» հաղթանակով՝ 3:2 հաշվով^[6]։

2021 թվականի սեպտեմբերին նորամուտը նշել է Իսպանիայի մինչև 18 տարեկանների հավաքականի կազմում։

2022 թվականի մարտին ստացել է իր առաջին հրավերը Արգենտինայի ֆուտբոլի ազգային հավաքական^[7]։

2022 թվականի մարտի 22-ին իր նորամուտը նշել է Արգենտինայի մինչև 20 տարեկանների հավաքականի կազմում ԱՄՆ-ի հավաքականի դեմ խաղում։ 2022 թվականի հունիսի 1-ին խփել է իր առաջին գոլը մինչև 20 տարեկանների հավաքականի կազմում Տուլոնի մրցաշարի Պանամայի հավաքականի դեմ խաղում^[8]։ Արգենտինան հաղթել է Տուլոնի մրցաշարում, որում Գառնաչոն 4 խաղում դարձել է 4 գոլի հեղինակ^[9]։

2023 թվականի մարտին հրավիրվել է Արգենտինայի հավաքականի գլխավոր մարզիչ Լիոնել Սկալոնիի կողմից Պանամայի և Կյուրասաոյի դեմ խաղերի համար^[10], սակայն վնասվածքի պատճառով չի կարողացել մասնակցել խաղերին։ 2023 թվականի հունիսի 15-ին Արգենտինայի հավաքականի կազմում նորամուտը նշել է Ավստրալիայի հավաքականի դեմ ընկերական խաղում^[11]։

Մանչեսթեր Յունայթեդ

• Անգլիայի երիտասարդական գավաթակիր՝ 2022
• Անգլիայի ֆուտբոլային լիգայի գավաթակիր՝ 2022/23

Անձնական ձեռքբերումներ

• Ջիմի Մերֆիի մրցանակ տարվա լավագույն երիտասարդ ֆուտբոլիստին՝ 2021/22^[12]
• Անգլիայի Պրեմիեր Լիգայի ամսվա գոլ՝ նոյեմբեր, 2023^[13]

2023 թվականի դեկտեմբերի 26-ի դրությամբ^[14]

• Ֆուտբոլիստի կայքէջը «Մանչեսթեր Յունայթեդ» ակումբի պաշտոնական կայքում(անգլ.)
• Ֆուտբոլիստի կայքէջը Պրեմիեր Լիգայի պաշտոնական կայքէջում(անգլ.)

Վիքիպահեստն ունի նյութեր, որոնք վերաբերում են «Ալեխանդրո Գառնաչո» հոդվածին։