Ավստրիայի տնտեսություն

Ավստրիան հանդիսանում է Եվրոպայի ամենազարգացած երկրներից մեկը։ Մեկ շնչի հաշվով համախառն ներքին արդյունքի ցուցանիշներով համարվում է աշխարհի 14 ամենահարուստ երկրներից մեկը^[4]։ Երկրում զարգացած են տնտեսության գրեթե բոլոր ճյուղերը՝ սկսած զբոսաշրջությունից և վերջացրած աէրոտիեզերական տեխնոլոգիաներով։ Միայն զբոսաշրջային ոլորտում գրանցվում է տարեկան շուրջ 15 միլիոն այցելու։ Արդյունաբերության արտադրության հիմնական ճյուղերն են հանդիսանում մեքենաշինությունը (տրանսպորտային և գյուղատնտեսական)^[5], հաստոցաշինությունը և արդյունաբերական ոլորտի այլ ճյուղերի սարքավորումների արտադրությունը։ Արդյունաբերության հիմնական կենտրոններն են հանդիսանում Վիեննա, Գրաց, Լինց և Շտայր քաղաքները^[6]։

Արժույթ	Եվրո
Առևտրային կազմակերպություններ	ԱՀԿ, ՏՀԶԿ, ԵՄ
Վիճակագրություն
ՀՆԱ	$387.3 միլիարդ (2015) $415.9 միլիարդ (2016)[1]
ՀՆԱ-ի աճ	1,5 ± 0,1 տոկոս[2]
ՀՆԱ-ն մեկ շնչի հաշվով	$47.900 (2016)[1]
Գնաճ (ՍԳԻ)	1,5 ± 0,1 տոկոս[3]
Աղքատության շեմից ցածր բնակչություն	4% (2014)[1]
Ջինիի գործակից	29.2 (2013)[1]
Գործազրկություն	6.1% (2016)[1]
Արտաքին
Արտահանում	$141.9 milia8d (2016)[1]
Արտահանվող ապրանքներ	Տեխնիկա, սարքավորումներ, ավտոմեքենաներ, ավտոպահեստամասեր, թուղթ, շինարարակն ստվարաթուղթ, մետաղական զարդեր, քիմիա, երկաթ, այլ մետաղներ, տեքստիլ, սնունդ[1]
Արտանհանման հիմնական գործընկերներ	29.4% 6.4% 6.1% 5.7% 4.4% 4.2% (2015)[1]
Ներկրում	$138.6 միլիարդ (2016)[1]
Ներկրվող ապրանքներ	Տեխնիկա, սարքավորումներ, ավտոմքենաներ, քիմիա, մետաղական զարդեր, նավթ, նավթամթերքներ, սնունդ[1]
Ներկրման հիմնական գործընկերներ	41.5% 6.3% 6% 4.2% (2015)[1]
Պետական ֆինանսներ
Պետական պարտք	ՀՆԱ-ի 85.8% (2016)[1]
Եկամուտ	$187.3 միլիարդ[1]
Ծախսեր	$192.6 միլիարդ (2016)[1]

Սև և գունավոր մետաղագործության հիմնական կենտրոնը հարամվում է Ռանսհովենը^[6]։

Ավստրիայի թեթև արդյունաբերության առանցքային ճյուղերն են հանդիսանում տեքստիլ, կաշվեկոշկեղենի և կարի արտադրությունը։ Պակաս զարգացած չէ նաև անտառամշակումը, փայտամշակումը և ցելուլոզաթղթային արտադրությունը^[6]։

Երկրիրը մասնագիտանում է նաև էլեկտրատեխնիկական և էլեկտրոնային արդյունաբերության ոլորտներում։ Զարգանում է գիտելիքահենք տեխնոլոգիաներն ու արտադրությունը։

Ավստրիայում լավ է զարգացած նաև գյուղատնտեսությունը։ Երկրի ցանքատարածությունները զբաղեցնում են 4.1 միլիոն հա տարածք (մոտավորապես երկրի տարածքի կեսը)։ Գյուղատնտեսության հիմքը հանդիսանում է կաթնային անասնապահությունը։ Զարգացած են նաև խաղողագործությունը, պտղաբություծությունը և խոզաբուծությունը^[5][6][7]։

Որպես ցամաքային երկիր՝ Ավստրիան այլ երկրների հետ ապրանքաշրջանառությունը (արտահանում և ներկրում) իրականացնում է երկաթուղային ճանապարհներով։ Միջազգային նշանակություն ունեցող Դանուբ գետի միջոցով Ավստրիան ունի ելք դեպի ծով։ Երկրի հիմնական նավահանգիստներն են համարվում Վիեննա և Լինցը։

Արտահանման ոլորտում ավստրիական արտադրանք են հանդիսանում ծանր արդյունաբերության արտադրանքը, ինչպես նաև լայն սպառման ապրանքները (ամբողջ արտահանման 1/2 մասը), գրասենյակային ապրանքները, սննդամթերք։ 2009 թվականին Ավստրիայի արտահանումը կազմել է 129 միլիարդ դոլլար^[6]։

Երկիրը արտահանում է հասարակական սպառման ապրանքներ, որոնց արտահանման բաժինը ամբողջ արտահանման գրեթե կեսն է կազմում։ Արտահանվում է նաև պատրաստի արտադրանք^[6]։

Տնտեսության հիմնական բաժինը կազմում է ծառայությունների ոլորտը՝ 65.8 %, արդյունաբերությունը՝ 32.3 %, գյուղատնտեսությունը՝ 1.7 %:

2002 թվականին շրջանառության մեջ մտավ միասնական արժույթ՝ եվրոն^[8]։ Ավստրիան տնտեսական կապեր ունի աշխարհի ավելի քան 150 երկրների հետ։ Արտասահմանյան ընկերությունների ներգրավման համար ստեղծվեց «Austrian Business Agency» գործակալությունը, որը տրամադրում է երկրում տնտեսության վիճակի մասին տեղեկատվություն^[9][10]։