خولی ئەورووپا

خولی ئەوروپی - یۆرۆپالیگ پاڵەوانییەتییەکی ساڵانەیە لەلایەن ڕێکخراوی یەکێتی تۆپی پێ ئەوروپا سەرپەرشتی دەکرێ ، یانە بەشداربووەکانی ئەم خولە لەسەر بنەمای ئەوە دیاری دەکرێت کە هەر یانەیەك لە پلەکانی سێ تا پێنج کۆتایی پێبێنێت لە خوولی ووڵاتەکەی ڕاستەوخۆ بۆ ئەم خوولە سەردەکەوێت ، خوولی ئەوروپی بە دووەم بەھێزترین خولی ئەوروپا دادەنرێت لەدوای خولی یانە پاڵەوانەکانی ئەوروپا.^[١] یانەی سیڤیلییەی ئیسپانی لە ئێستادا براوەی ئەم پاڵەوانێتییە کاتێ لە مانگی ئایاری ٢٠٢٣ لە یاری کۆتایی توانی لە یانەی ڕۆمای ئیتاڵی بباتەوە لە یاریگای پۆشکاش لە بوداپێستـی پایتەختی هەنگاریا

خوولی ئەوروپی - یۆڕۆپالیگ

لۆگۆی پاڵەوانیەتی خوولی ئەوروپی
ڕێکخراوە لەلایەن	یۆفا
دامەزراندن	جامی فێڕس - Fairs Cup ( ١٩٥٦ - ١٩٧٣ ) جامی یەکێتی ئەوروپی - UEFA Cup ( ١٩٧٣ - ٢٠٠٩ ) خوولی ئەوروپی - Europa League ( ٢٠٠٩ - ئێستا )
ناوچە	ئەوروپا
ژمارەی تیمەکان	٣٢
شیاو بۆ	چامپیۆنزلیگ - جامی سووپەری ئەورووپا
کۆتا پاڵەوان	سێڤیلیا (حەوتەمین نازناو)
سەرکەوتووترین یانە	سێڤیلیا (٧ نازناو)
ماڵپەڕی فەرمی	Official website

لە ساڵی ١٩٥٦ دا بۆ یەکەم جار ئەم پاڵەوانێتییە ئەنجامدرا لە ژێر ناوی جامی فێڕس - Fairs Cup (فێڕس کەپ) تا وەرزی ١٩٧٢ - ١٩٧٣ کە ناوەکەی گۆڕدرا بۆ جامی یەکێتی ئەوروپا - UEFA Cup (یویفا کەپ) بەڵام دواتر و لە وەرزی ٢٠٠٩ - ٢٠١٠ دا و لەو کاتەوە ناوەکەی بۆتە خوولی ئەوروپی - Europa League (یۆڕۆپالیگ)^[٢][٣] تا ئێستا ٢٨ یانە بوونەتە پاڵەوانی خولەکە ، یانەی سیڤیلییەی ئیسپانی هەڵگری زۆرترین بردنەوەی ئەم پاڵەوانێتییە بەکۆی حەوت جار