Ջիսու

Ջիսու
Բնօրինակ անուն	կորեերեն՝ 지수
Ի ծնե անուն	կորեերեն՝ 김지수
Ծնվել է	հունվարի 3, 1995 (29 տարեկան); Գունփո, Գյոնգի, Հարավային Կորեա
Երկիր	Հարավային Կորեա
Ժանրեր	քեյ փոփ, ջեյ փոփ և դենս փոփ
Մասնագիտություն	երգչուհի, պարուհի, մոդել, դերասանուհի, երգերի հեղինակ և ֆոտոմոդել
Երգչաձայն	մեցցո-սոպրանո
Գործիքներ	վոկալ և հարվածային համակարգ
Լեյբլ	YG Entertainment և Interscope Records
Կրթություն	Սեուլի կատարողական արվեստի դպրոց
Անդամակցություն	Blackpink
Պարգևներ
Ստորագրություն
	Jisoo Վիքիպահեստում

Քիմ Ջիսու (կորեերեն՝ 김지수, անգլ.՝ Kim Jisoo, հունվարի 3, 1995(1995-01-03)^[1]^[2]^[3], Գունփո, Գյոնգի, Հարավային Կորեա^[3], առավել հայտնի է որպես Ջիսու), հարավկորեացի երգչուհի և դերասանուհի։ Հարավկորեական Blackpink խմբի վոկալիստ և վիժուալ։

Կյանք և գործունեություն

1995-2015: Գործունեության սկիզբ

Քիմ Ջիսուն ծնվել է 1995 թվականի հունվարի 3-ին Հարավային Կորեայի Սեուլ մայրաքաղաքում։

2011 թվականին դարձել է հարավկորեական YG Entertainment ընկերության ձայնագրման փորձնակ։ 2012 թվականի մայիսի 4-ին «YG Entertainment»-ը ներկայացրել է Ջիսույի լուսանկարը՝ «Who’s that Girl???» թիզերում։ Նրա անունը երկար ժամանակ անհայտ էր, քանի դեռ գործակալությունը չհայտնեց, որ լուսանկարի աղջիկը Քիմ Ջիսուն է^[4]։

2013 թվականի հունվարի 15-ին և 19-ին YG Entertainment ընկերությունը ևս մեկ անգամ հրապարակել է Ջիսուի նկարներից, ինչպես նաև հայտարարել է, որ 2013 թվականի առաջին կեսին նախատեսվում է նոր կանանց խմբի առաջնելույթ, բայց այն չեղյալ է համարվել։

Հաջորդ երկու տարիների ընթացքում Ջիսուն հայտնվել է միայն երկրպագուների լուսանկարներում։ Բայց 2014 թվականի հոկտեմբերի 20-ին թողարկվել է Epik High-Spoiler խմբի տեսահոլովակը՝ աղջկա մասնակցությամբ։ Դրանից հետո նա հայտնիություն է ձեռք բերել։ Մեկ ամիս անց Ջիսուն կրկին նկարահանվել է տեսահոլովակում։ 2014 թվականի նոյեմբերի 17-ին թողարկվել Է Hi Suhyun — I'm Different տեսահոլովակը, որտեղ նա նկարահանվել է Bobby Kim ռեփերի աղջկա դերում^[5]։

2015 թվականի մայիսին Ջիսուն դարձել է մոդել Samsonite RED և Nikon 1 ապրանքանիշների համար։ 2015 թվականի օգոստոսի 16-ին Ջիսուի մասնակցությամբ թողարկվել է AngelStone խաղի գովազդային տեսահոլովակը։ Նույն թվականին աղջիկը նկարահանվել է «Պրոդյուսեր» դորամայում (4, 5 և 12 սերիաներ)։

2016-2018: BLACKPINK-ի դեբյուտ

Հունիսի 15-ին YG Entertainment-ը ներկայացրել է Ջիսուի թիզեր լուսանկարը՝ որպես Blackpink նոր կանանց խմբի անդամ, որն առաջինն է 2009 թվականի 2NE1 խմբի դեբյուտից հետո։ Հունիսի վերջին արդեն հրապարակվել են մյուս մասնակիցների թիզերները՝ Քիմ Ջեննիի, Ռոսե Փաքի և Լալիսա Մանոբանի։ Մամուլի ասուլիսի ժամանակ՝ դեբյուտի օրը, YG-ի հիմնադիր Յանգ Հյուն Սեկը հայտարարել է, որ խումբը մենակատար չի ունենա, քանի որ «բոլոր մասնակիցները կարող են տանել այդ դերը և շատ դժվար է ընտրություն կատարել»։ Ջիսուն զբաղեցրել է առաջատար վոկալիստի և վիժուալի դիրքերը։ 2016 թվականին Blackpink-ը թողարկել է սինգլային երկու ալբոմ՝ Square One և Square Two։ 2017 թվականի հունիսին թողարկել է «As If It’s Your Last» սինգլը։ 2018 թվականի հունիսին թողարկել է Square Up մինի ալբոմը։

2017 թվականին նկարահանվել է «Այդոլը խաղադրույքում» դորամայում։

2017 թվականի փետրվարի 5-ից մինչև 2018 թվականի փետրվարի 4-ը նա Got7-ի Ջինյոնի և NCT-ի Դոյոնի հետ, եղել է հաղորդավար Inkigayo-ում։

2019-ներկա։ Անհատական գործունեություն և համաշխարհային շրջագայություն

2018 թվականի հոկտեմբերի կեսերին YG Entertainment-ը հայտարարել է Blackpink-ի բոլոր մասնակիցների անհատական նախագծերի մասին, առաջինն իր նյութը թողարկել է Ջեննին։ Ջիսուի մենահամերգը տեղի կունենա Ռոսեից և Լիսայից հետո։

2019 թվականի հունվարի 9-ին YG Entertainment-ը հայտարարել է Blackpink-ի համաշխարհային շրջագայության մասին Հյուսիսային Ամերիկայում, Եվրոպայում և Ավստրալիայում։ Մարտի 27-ին լույս է տեսել Ջիսուի թիզեր լուսանկարը՝ մոտեցող քամբեքի համար, որը տեղի է ունեցել ապրիլի 5-ին "KILL THIS LOVE" մինի ալբոմով։ 24 ժամում տեսահոլովակը հավաքել է 58 միլիոն դիտում՝ գերազանցելով Արիանա Գրանդեի «thank you, next»-ի ռեկորդը, իսկ 30 րոպեում հավաքել է 1 միլիոն հավանում։ Ապրիլի 12-ին և 19-ին խմբի հետ ելույթ է ունեցել Կոաչելլա ամենամյա փառատոնում։

Բարեգործություն

2019 թվականի ապրիլի 8-ին Ջիսուն, իր խմբի գործընկերների հետ, 10 մլն վոն է նվիրաբերել Հարավային Կորեայի աղետների օգնությանը։

Ֆիլմագրություն

Ժամանցային շոուներ


Տարի	Անվանում
2017-2018	Inkigayo
2018	BLACKPINK House
2019	BLACKPINK Diariec

Դորամաներ


Տարի	Անվանում	Հեռուստաալիք	Դեր
2015	Պրոդյուսեր	KBS2	"2 Days In 1 Night" հյուր
2017	Այդոլը խաղադրույքներում	KBS2&Netflix	MC-ը Inkigayo-ում
2021	Ձնծաղիկ	JTBC	Ըն Յոնգ Րո

Արտիստիզմ և գրավչություն

2018 թվականի Gallup Korea-ի ամենամյա երաժշտական հարցման ժամանակ Ջիսուն, Հարավային Կորեայում, հայտնիությամբ զբաղեցրել է 10-րդ տեղը՝ ստանալով ձայների 4,8 %-ը։ 2019 թվականին նա զբաղեցրել է 7-րդ տեղը Ինստագրամի ամենահայտնի K-pop այդոլների ցուցակում՝ 15 միլիոն հետևորդով^[6]։

Գովազդային ապրանքանիշներ

Լինելով թրեյնի՝ Ջիսուն ցուցադրվել է գովազդային բրենդներում 2015 և 2016 թվականներին։ Այնպիսի բրենդերի համար, ինչպիսիք են Samsonite-ը (դերասան Լի Մին Հոի հետ), LG Electronics-ը^[7] և Nikon-ը^[8]։

Տարի	Ապրանք	Այլ արտիստների հետ	Հղում
2015	Nikon, Nikon 1 J5	Նամիբիա	^[9]
	Angel Stone	^[10]
	Նոր գեղեցկություն	Լի Մին Հո	^[11]
	Smart Uniform Korea	iKON	^[12]
2016	LG, Stylus 2 X screen X cam	^[13]
2018	Kiss Me	Ռոսե （Blackpink）	^[14]

Ծանոթագրություններ

Արտաքին հղումներ

[blackpinkofficial.com Blackpink խմբի պաշտոնական կայք]
Blackpink խմբի ինստագրամյան պաշտոնական էջ
Blackpink խմբի Յություբի պաշտոնական ալիք
Blackpink blink Արխիվացված 2018-12-04 Wayback Machine

Վիքիպահեստն ունի նյութեր, որոնք վերաբերում են «Ջիսու» հոդվածին։

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

Search