Rammstein (ՄՀԱ (գերմ.)՝ [ˈʀamʃtaɪ̯n]), գերմանական ռոք խումբ է, կազմավորվել է 1994 թվականին։ Խմբի ոճը կարելի է բնութագրել որպես Neue Deutsche Härte, ինչը բառացի նշանակում է՝ Նոր գերմանական կոշտություն։ Չնայած այն փաստին, որ գրեթե բոլոր երգերի տեքստերը գրված են գերմաներեն, խումբը շատ հայտնի է նաև Գերմանիայից դուրս, այդ թվում և ԱՄՆ-ում։ «Reise, Reise» ալբոմից հետո նրանք դարձել են բոլոր ժամանակների ամենահայտնի գերմանական խումբը։ 2009 թվականի տվյալներով ամբողջ աշխարհում վաճառվել է 15 միլիոն ձայնասկավառակ։ Նրանց կենդանի համերգները լի են շքեղ հրավառություններով, լուսային էֆեկտներով, ինչը շոուին տալիս է անկրկնելի տեսք։
Խումբը նշել է, որ իր անունը կապված է 1988 թվականի օգոստոսի 28-ին Ռամշտայն ավիաբազայում իտալական Frecce Tricolori ավիախմբի մասնակցությամբ օդային շոուի ժամանակ տեղի ունեցած օդային աղետի հետ, երբ երեք ինքնաթիռների բախման հետևանքով զոհվեց 80 մարդ և 300-ից ավելի մարդ դարձան վիրավոր։ Շնայդերը և Ֆլաքեն նշել են, որ երբ նրանք որոշում էին խմբի անունը չգիտեին, որ Ռամշտայնը գրվում է 1 մ-ով այլ ոչ թե 2։
