Ռիկարդո Օրսոլինի
Ռիկարդո Օրսոլինի (իտալ.՝ Riccardo Orsolini, հունվարի 24, 1997[1], Ասկոլի Պիչենո, Մարկե, Իտալիա), իտալացի պրոֆեսիոնալ ֆուտբոլիստ։ Ներկայումս հանդես է գալիս Բոլոնյայի և Իտալիայի ազգային հավաքականի կազմում։ Խաղում է վինգերի դիրքում[2]։
Անձնական տվյալներ | |||
---|---|---|---|
Քաղաքացիությունը | Իտալիա | ||
Ծննդյան ամսաթիվ | հունվարի 24, 1997[1] (27 տարեկան) | ||
Ծննդավայր | Ասկոլի Պիչենո, Մարկե, Իտալիա | ||
Հասակ | 183 սմ | ||
Քաշ | 73 կգ | ||
Դիրք | վինգեր | ||
Ակումբային տեղեկություններ | |||
Ներկա ակումբ | Բոլոնյա | ||
Համար | 7 | ||
Պատանեկան կարիերա | |||
2001-2004 | Կաստինյանո | ||
2004-2015 | Ասկոլի | ||
Մասնագիտական կարիերա* | |||
Տարի | Ակումբ | Խաղ (գոլ) | |
2014-2017 | Ասկոլի | 50 | (8) |
2017-2019 | Յուվենտուս | 0 | (0) |
2017-2018 | → Ատալանտա | 8 | (0) |
2018-2019 | → Բոլոնյա | 43 | (8) |
2019-ներկա | Բոլոնյա | 19 | (5) |
Ազգային հավաքական‡ | |||
2016-2017 | Իտալիա Մ20 | 12 | (8) |
2017-2019 | Իտալիա Մ21 | 15 | (3) |
2019-ներկա | Իտալիա | 1 | (1) |
* Մասնագիտական կարիերայում ընդգրկված են միայն առաջնության խաղերը և գոլերը |
Ակումբային կարիերա
Ասկոլի
Օրսոլինին Ասկոլիի ակադեմիայի սան է։ Իր պրոֆեսիոնալ դեբյուտը նշեց 2016 թվականի մարտի 26-ին՝ թիմի մեկնարկային կազմում խաղադաշտ դուրս գալով Վիչենցայի դեմ խաղում[3]։ Իր առաջին գոլը խփեց հոկտեմբերի 15-ին՝ Վերոնայի դեմ խաղում[4]։ Հոկտեմբերի 29-ին Օրսոլինին դուբլ ձևակերպեց Կարպիի դեմ խաղում՝ 2-0 հաշվով հաղթանակ պարգևելով Ասկոլիին[5]։ Դեկտեմբերի 10-ին նա գոլի և գոլային փոխանցման հեղինակ դարձավ Լատինայի դեմ խաղում, իսկ հանդիպումն ավարտվեց 2-2 հաշվով[6]։ 2017 թվականի փետրվարի 14-ին իտալացին 2 գոլ խփեց Պրո Վերչելիի դեմ խաղում[7]։ Ասկոլիի առաջին թիմի կազմում Օրսոլինին անցկացրեց 51 հանդիպում՝ դառնալով 8 գոլի և 7 գոլային փոխանցման հեղինակ։
Յուվենտուս
2017 թվականի հունվարի 30-ին Օրսոլինին 4 տարվա պայմանագիր կնքեց Յուվենտուսի հետ[8][9], ապա մինչև մրցաշրջանի ավարտը վարձավճարով վերադարձավ Ասկոլի[10][11]։ 2017 թվականի հուլիսի 14-ին իտալացին 2 տարվա վարձավճարով միացավ Ատալանտային[12][13][14]։ Իր դեբյուտը Սերիա A-ում նշեց սեպտեմբերի 17-ին՝ փոխարինելով Տիմոտի Կաստանին Կիևոյի դեմ խաղում և այս խաղում դառնալով գոլային փոխանցման հեղինակ[15]։ Առաջին հանդիպումը եվրոպական առաջնություններում անցկացրեց նոյեմբերի 2-ին՝ փոխարինելով Յոսիպ Իլիչիչին Եվրոպայի Լիգայի Ապոլոն Լիմասոլի դեմ խաղում[16]։ Իր առաջին և միակ հանդիպումը թիմի մեկնարկային կազմում անցկացրեց դեկտեմբերի 20-ին՝ Իտալիայի գավաթի Սասուոլոյի դեմ խաղում և այս խաղում տալով գոլային փոխանցում[17]։ 2018 թվականի հունվարին Օրսոլինին վերադարձավ Յուվենտուս։ Ատալանտայի կազմում նա անցկացրեց 10 հանդիպում՝ դառնալով 2 գոլային փոխանցման հեղինակ[18]։
Բոլոնյա
2018 թվականի հունվարի 31-ին Օրսոլինին 18 ամսվա վարձավճարով տեղափոխվեց Բոլոնյա[19][20][21]։ Իր դեբյուտը ակումբի կազմում նշեց փետրվարի 4-ին՝ փոխարինելով Մատիա Դեստրոյին Ֆիորենտինայի դեմ խաղում[22]։ Առաջին հանդիպումը թիմի մեկնարկային կազմում անցկացրեց փետրվարի 11-ին՝ Ինտեր Միլանի դեմ խաղում[23]։ Իր առաջին գոլը խփեց սեպտեմբերի 30-ին՝ Ուդինեզեի դեմ խաղում[24]։ Նոյեմբերի 11-ին Օրսոլինին գոլ խփեց Կիևոյի դեմ խաղում, իսկ հանդիպումն ավարտվեց 2-2 հաշվով[25]։ Դեկտեմբերի 4-ին նա 2 գոլի և գոլային փոխանցման հեղինակ դարձավ Իտալիայի գավաթի Կրոտոնեի դեմ խաղում՝ 3-0 հաշվով հաղթանակ պարգևելով Բոլոնյային[26]։ 2019 թվականի մայիսի 13-ին իտալացին գոլի և գոլային փոխանցման հեղինակ դարձավ Պարմայի դեմ խաղում[27]։ 2018-19 մրցաշրջանում Օրսոլինին անցկացրեց 37 հանդիպում՝ դառնալով 10 գոլի և 5 գոլային փոխանցման հեղինակ[28]։
2019 թվականի հունիսի 20-ին Բոլոնյան 15 միլիոն եվրոյի դիմաց գնեց Օրսոլինիի լրիվ տրանսֆերը[29][30][31][32]։ Սեպտեմբերի 15-ին նա գոլի և գոլային փոխանցման հեղինակ դարձավ Բրեշիայի դեմ խաղում[33]։ Դեկտեմբերի 22-ին իտալացին դուբլ ձևակերպեց Լեչեի դեմ խաղում՝ օգնելով իր թիմին հաղթել 3-2 հաշվով[34]։ 2020 թվականի հունվարի 6-ին Օրսոլինին գոլ խփեց Ֆիորենտինայի դեմ հանդիպման վերջին րոպեին՝ փրկելով Բոլոնյային պարտությունից[35][36]։
Միջազգային կարիերա
Օրսոլինին ներկայացրել է Իտալիան մինչև 20 և մինչև 21 տարեկանների երիտասարդական հավաքականներում։ 2017 թվականին նա մասնակցեց աշխարհի Մ20 առաջնությանը՝ խաղադաշտ դուրս գալով բոլոր 7 հանդիպումներում և դառնալով 5 գոլի հեղինակ[37]։ Նա գոլ խփեց կիսաեզրափակչի Անգլիայի դեմ խաղում, սակայն Իտալիան պարտվեց 3-1 հաշվով և դուրս մնաց առաջնությունից[38][39]։ Հավաքականը զբաղեցրեց 3-րդ հորիզոնականը մրցաշարում՝ 3-րդ տեղի համար հանդիպման հետխաղյա 11-մետրանոցների հարվածաշարում հաղթել Ուրուգվային[40][41], իսկ Օրսոլինին դարձավ առաջնության լավագույն ռմբարկուն՝ ստանալով Ոսկե խաղակոշիկ մրցանակը[42][43]։ 2019 թվականի հունիսին նա մասնակցեց Եվրոպայի Մ21 առաջնությանը[44][45][46]՝ անցկացնելով 2 հանդիպում[47], սակայն Իտալիան դուրս մնաց մրցաշարի խմբային փուլից[48][49]։
Իտալիայի ազգային հավաքական Օրսոլինին առաջին անգամ հրավիրվեց 2019 թվականի նոյեմբերի 8-ին Ռոբերտո Մանչինիի կողմից՝ Բոսնիա և Հերցեգովինայի ու Հայաստանի դեմ խաղերի համար[50][51][52]։ Իր դեբյուտը ազգային հավաքականում նշեց նոյեմբերի 18-ին՝ փոխարինելով Նիկոլո Բարելային Հայաստանի դեմ խաղում[53][54]։ Այս խաղում նա դարձավ գոլի և 2 գոլային փոխանցման հեղինակ՝ օգնելով Իտալիային հաղթել 9-1 հաշվով[55][56]։
Կարիերայի վիճակագրություն
Ակումբային վիճակագրություն
2020 թվականի հունվարի 17-ի դրությամբ[57]
Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
---|---|---|---|---|---|---|---|---|---|---|---|---|
Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
Ասկոլի | 2015–16 | Սերիա B | 9 | 0 | 0 | 0 | — | 9 | 0 | |||
2016–17 | 41 | 8 | 1 | 0 | 42 | 8 | ||||||
Ընդհանուր | 50 | 8 | 1 | 0 | 0 | 0 | 0 | 0 | 51 | 8 | ||
Ատալանտա (վարձավճար) | 2017–18 | Սերիա A | 8 | 0 | 1 | 0 | 1 | 0 | — | 10 | 0 | |
Բոլոնյա | 2017–18 | 8 | 0 | 0 | 0 | — | 8 | 0 | ||||
2018–19 | 35 | 8 | 2 | 2 | 37 | 10 | ||||||
2019–20 | 19 | 5 | 2 | 1 | 21 | 6 | ||||||
Ընդհանուր | 62 | 13 | 4 | 3 | 0 | 0 | 0 | 0 | 66 | 16 | ||
Կարիերայի ընդհանուր | 120 | 21 | 6 | 3 | 1 | 0 | 0 | 0 | 127 | 24 |
Միջազգային վիճակագրություն
2020 թվականի հունվարի 17-ի դրությամբ[57]
Իտալիա | ||
---|---|---|
Տարի | Խաղեր | Գոլեր |
2019 | 1 | 1 |
Ընդհանուր | 1 | 1 |
Միջազգային գոլեր
# | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
---|---|---|---|---|---|---|
1. | Նոյեմբերի 18, 2019 | Ռենցո Բարբերա մարզադաշտ, Պալերմո, Իտալիա | Հայաստան | 8–0 | 9–1 | Եվրո 2020 Որակավորում |
Նվաճումներ
Անհատական
- ՖԻՖԱ աշխարհի Մ20 առաջնության լավագույն ռմբարկու. 2017 (5 գոլով)[42]
Ծանոթագրություններ
Արտաքին հղումներ
- Օրսոլինիի պաշտոնական Ֆեյսբուքի էջը
- Օրսոլինիի պաշտոնական Ինստագրամի էջը
- Օրսոլինին transfermarkt-ում
- Օրսոլինին soccerbase.com-ում
- Օրսոլինին WhoScored.com կայքում
- Օրսոլինին Բոլոնյայի պաշտոնական կայքում
- Օրսոլինին Սերիա A-ի պաշտոնական կայքում Արխիվացված 2018-10-22 Wayback Machine
- Օրսոլինին ՈՒԵՖԱ-ի պաշտոնական կայքում
- Օրսոլինին ՖԻՖԱ-ի պաշտոնական կայքում(չաշխատող հղում)
Վիքիպահեստն ունի նյութեր, որոնք վերաբերում են «Ռիկարդո Օրսոլինի» հոդվածին։ |