Փաթի Սմիթ
Պատրիցիա Լի Սմիթ (անգլ.՝ Patricia Lee Smith, դեկտեմբերի 30, 1946[1][2][3][…], Չիկագո, Իլինոյս[4] և ԱՄՆ[5]), ամերիկացի երգչուհի և բանաստեղծուհի։ Պաթի Սմիթին ընդունված է կոչել «փանկ ռոքի կնաքամայր»[9], մասամբ ի շնորհիվ նրա «Horses» անդրանիկ ալբոմի, որը կարևոր դեր խաղաց այս ժանրի ձևավորման մեջ։ Փաթի Սմիթի ամենաճանաչված երգը՝«Because the Night»-ը գրվեց Բրյուս Սպրինգսթինի հետ համատեղ և բարձրացավ Billboard Hot 100 շքերթի քսանյակ։ 2005 թվական Սմիթը պարգևատրվեց արվեստների և գրականության ֆրանսիական շքանշանով, իսկ 2007 թվականին նրա անունը մտավ Ռոքնռոլի փառքի սրահ[10]։
| Փաթի Սմիթ | |
|---|---|
 | |
| Ի ծնե անուն | անգլ.՝ Patricia Lee |
| Ծնվել է | դեկտեմբերի 30, 1946[1][2][3][…] (77 տարեկան) Չիկագո, Իլինոյս[4] կամ ԱՄՆ[5] |
| Երկիր |  ԱՄՆ[6] |
| Ժանրեր | ռոք, պրոտո փանկ[7], Պոստ փանկ և արտ ռոք |
| Մասնագիտություն | հեղինակ-կատարող, բանաստեղծուհի, վիզուալ արտիստ, իրավապաշտպան, գրող, կիթառահար, երգչուհի, կոմպոզիտոր, երաժիշտ, գծանկարիչ, լուսանկարիչ, performance artist, ստուդիական երաժիշտ, ռոք երգիչ և ռոք երաժիշտ |
| Երգչաձայն | կոնտրալտո |
| Գործիքներ | կիթառ[7], կլառնետ[7] և վոկալ[7] |
| Լեյբլ | Արիստայի Գրառումները և Columbia Records |
| Կրթություն | Ռոուեն համալսարան[4] և Deptford Township High School? |
| Անդամակցություն | Patti Smith Group? |
| Ամուսին | Fred Smith? |
| Պարգևներ | |
| Կայք | pattismith.net |
| Ստորագրություն | |
 | |
 Patti Smith Վիքիպահեստում | |
Վաղ տարիներ
Պատրիցիա Լի Սմիթը ծնվել է 1946 թվականի դեկտեմբերի 30-ին Չիկագոյում։ 1949 թվականին Սմիթի ծնողները տեղափոխվել էին Ֆինլանդիա, որից հետո՝ 1957 թվականին տեղափոխվեցին Նյու Յորքի հարավում գտնվող Վուդբերի ոչ այդքան մեծ քաղաք[11]։ Մայրը՝ Բավերլին, եղել է ջազային երգչուհի և մատուցողուհի, իսկ հայրը՝ Հրանտը աշխատել է գործարանում։ Ընտանիքում մեծանում էին ևս երեք երեխաներ՝ Լինդան, Թոդդը և Քիմբերլի. Փաթի եղել է ընտանիքի ավագ երեխան։ Չհասկացվելով դպրոցում, նա փրկություն է գտնում Արթուր Ռեմբոյի պոեզիայում, գրքերում, որոնք գրվել են բիթ-սերնդի գրողների կողմից և այնպիսի արվեստագետների երգերում, ինչպիսիք են Ջիմի Հենդրիքսը, The Rolling Stones-ը, The Doors, և, հատկապես, Բոբ Դիլանը։ Ընդունվել էր Հլասսբորոյի պետական քոլեջը, սակայն չպլանավորված հղիության պատճառով ստիպված էր թողնել այն։ Դրանից հետո նա իր երեխային տվել էր որդեգրման, որից հետո աշխատանք է գտել գործարանի հավաքման կոնվեյերում։ Այստեղ նա աշխատել է այնքան գումար, որքան նրան պետք էր, որպեսզի տեղափոխվի Նյու Յորք։