Քլեր Հոլինգվորթ
Քլեր Հոլինգվորթ (անգլ.՝ Clare Hollingworth, հոկտեմբերի 10, 1911[1][2][3][…], Knighton, City of Leicester, Լեստերշիր, Անգլիա, Մեծ Բրիտանիայի և Իռլանդիայի միացյալ թագավորություն[1][2][4] - հունվարի 10, 2017[5][1][2][…], Հոնկոնգ, Չինաստան[1][4][5][…]), բրիտանացի լրագրող և գրող։
| Քլեր Հոլինգվորթ | |
|---|---|
| Ծնվել է | հոկտեմբերի 10, 1911[1][2][3][…] |
| Ծննդավայր | Knighton, City of Leicester, Լեստերշիր, Անգլիա, Մեծ Բրիտանիայի և Իռլանդիայի միացյալ թագավորություն[1][2][4] |
| Մահացել է | հունվարի 10, 2017[5][1][2][…] (105 տարեկան) |
| Մահվան վայր | Հոնկոնգ, Չինաստան[1][4][5][…] |
| Քաղաքացիություն |  Անգլիա և .svg){kind=small} Միացյալ Թագավորություն |
| Կրթություն | Լոնդոնի համալսարանի քոլեջ և Զագրեբի համալսարան |
| Մասնագիտություն | լրագրող, ռազմական թղթակից և գրող |
| Աշխատավայր | Libération, The Daily Telegraph[6], The Guardian[2] և The Economist[6] |
| Պարգևներ և մրցանակներ | |
Կենսագրություն
Կարիերա
Առաջին ռազմական թղթակիցն է եղել, որը հաղորդել է Երկրորդ համաշխարհային պատերազմի սկսվելու մասին` տեղի ունեցողը նկարագրելով որպես «դարի սենսացիա»[8]։ 1939 թվականին որպես «Daily Telegraph»-ի թղթակից Լեհաստանից Գերմանիա գնալիս հաղորդել է գերմանական զորքերի մասին, որոնք հավաքված են եղել Լեհաստանի հետ սահմանում. երեք օր անց նա առաջինն է եղել, որ հաղորդել է գերմանական ուժերի` Լեհաստան ներխուժման մասին[9]։
Նրա լրագրողական փորձը հաշվվում է ավելի քան 40 տարի, Երկրորդ համաշխարհային պատերազմի ժամանակ աշխատել է Ռումինիայում, Թուրքիայում, Հունաստանում և Արևելյան Աֆրիկայի երկրներում։ Հետպատերազմյան շրջանում Քլերը հեռու չի մնացել երկրագնդի թեժ կետերից` լինելով Պաղեստինում, Չինաստանում, Իրանում, Իրաքում, Վիետնամում։ Նրա հետ հանդիպել են արաբ շեյխերն ու սաուդյան արքայազնները, որոնք ավելի վաղ իրենց մոտ չեն թող կին լրագրողների։ Նրան իր վերջին հարցազրույցն է տվել Իրանի վերջին շահ Մոհամմադ Ռեզա Փահլավին, որն անգլուհուն անվանել է «միակ մարդը, ում հետ ինքն ուզել է խոսել»։ Իսկ Բեյրութում նա հետևել է խորհրդային լիազոր ներկայացուցիչ Քիմ Ֆիլբիին։ Թոշակի է անցել 1981 թվականին և հաստատվել է Հոնկոնգում։
Անձնական կյանք
Ամուսնացած է եղել երկու անգամ։ 1936 թվականին ամուսնացել է Վանդելեր Ռոբինսոնի հետ, որն աշխատում էր Միացյալ Ազգերի լիգայում, 1951 թվականին նրանք բաժանվել են։ Այնուհետև ամուսնացել է «Times»-ի մերձավորարևելյան շրջանի թղթակից Ջեֆրի Հոարի հետ։ Վերջինս մահացել է 1965 թվականին։
Ծանոթագրություններ
Արտաքին հղումներ
- Imperial War Museum Interview from 2001
- Clare Hollingworth interviewed in 1999 on BBC Radio 4’s Desert Island Discs