Օնտարիո լիճ

Լիճն իր անվանումը ստացել է հնդկացիական հուրոններ ցեղի անունից և նշանակում է «փայլող ջրերի լիճ»։ Ավելի ուշ Օնտարիո նահանգը նույնպես սկսեց այդպես կոչվել։ Հին քարտեզների վրա կարելի է տեսնել լճի տարբեր անվանումներ։ 1662-1663 թվականների քարտեզների վրա լիճը կոչվում էր Օնդիարա (Ondiara)։ 1912 թվականի ֆրանսիական քարտեզների վրա, որոնք ստեղծվել են ռազմական ինժեներ Ժան Բատիստի (Jean-Baptiste de Couagne) կողմից, լիճը կրում էր Ֆրոնտենակ անվանումը («Lac Frontenac»)։

• Մակերեսը՝ 19,5 հազ. կմ²^[3]
• Բարձրությունը ծովի մակարդակից՝ 75 մ^[4]
• Ջրափնյա գծի երկարությունը՝ 1146 կմ
• Առավելագույն երկարությունը՝ 311 կմ
• Առավելագույն լայնությունը՝ 85 կմ
• Առավելագույն խորությունը՝ 244 մ
• Միջին խորությունը՝ 86 մ։

Օնտարիո լճի մեջ է թափվում Նիագարա գետը, իսկ սկիզբ է առնում Սուրբ Լավրենտիոս գետը։ Նավարկելի ջրանցքները Օնտարիո լիճը կապում են Էրի լճի և Հուդզոն գետի հետ։

Լճի ափին են գտնվում Կանադայի Օնտարիո և ԱՄՆ-ի Նյու Յորք նահանգները։ Խոշոր նավահանգիստներն են՝ Տորոնտո, Համիլտոն, Քինգսթոն (Կանադա) և Ռոչեստեր (ԱՄՆ)։

Լիճը աշխարհում մեծությամբ 14-րդ տեղն է զբաղեցնում։ Այստեղ զարգացած է նավագնացությունը։

Ֆենիմոր Կուպերի «Հետախույզը» վեպում գործողությունները կատարվում են Օնտարիո լճի ափին։

• http://www.ngdc.noaa.gov/mgg/greatlakes/lakeontario_cdrom/html/gmorph.htm
• http://www.glakes.ru/8.html Արխիվացված 2013-10-01 Wayback Machine

Վիքիպահեստն ունի նյութեր, որոնք վերաբերում են «Օնտարիո լիճ» հոդվածին։