Red (երգ, Թեյլոր Սվիֆթ)

«Red»
Թեյլոր Սվիֆթի սինգլը
«Red» ալբոմից
Թողարկված	21 հունիսի, 2013
Ֆորմատ	CD, Թվային ներբեռնում, ; ռադիոռոտացիա
Ձայնագրված	2012, Blackbird Studios, Նաշվիլ, Թենեսի
Ժանր	Քանթրի, Սոֆթ ռոք
Տևողություն	3:41
Լեյբլ	Big Machine Records
Պրոդյուսեր	Դան Հաֆ,; Նեթան Չեփմեն,; Թեյլոր Սվիֆթ
Թեյլոր Սվիֆթի սինգլների ժամանակագրություն

«Red» (հայերեն՝ Կարմիր), ամերիկացի քանթրի երգչուհի Թեյլոր Սվիֆթի երգը, որը ձայնագրվել է նրա չորրորդ ստուդիական ալբոմում՝ «Red»: ԱՄՆ-ում որպես պրոմոսինգլ՝ թողարկումը կայացել է 2012 թվականի հոկտեմբերի 2-ին, 2013 թվականի հունիսի 21-ին երգը թողարկվել է որպես Red ալբոմի հինգերորդ առևտրական սինգլ^[2]։ Երգը դեբյուտացվել է Hot Digital Songs հիթ-շքերթի ամենաբարձր հորիզոնականում, իսկ Billboard Hot 100 հիթ-շքերթում սինգլը զբաղեցրել է 6-րդ հորիզոնականը։ «Red» երգը նաև հայտնվել է Hot Country Songs և այլ երկրների հիթ-շքերթներում։

Տեղեկություն երգի մասին

Թեյլոր Սվիֆթն անոնսացրել է երգը 2012 թվականի հոկտեմբերի 1-ին՝ АВС հեռուստաընկերության Good Morning America հեռուստաշոուի ժամանակ^[3]։ 2012 թվականի հոկտեմբերի 7-ին BBC Radio 1 ուղիղ եթերով՝ «Teen Awards» մրցանակաբաշխության ժամանակ երգչուհին կատարել է երգը։ Ինչպես բացատրել է Սվիֆթը, երգի անունը և իմաստն արտահայտում են նրա էմոցիոնալ վիճակը, դրանով իսկ ավելի գրավիչ դարձնելով Red ալբոմի լիրիկական կոնցեպցիան։ «Ես գրել եմ այդ երգը մի քանի տարբեր բաների մասին, որոնք ուղղակի անհնար է մոռանալ, քանի որ էմոցիաները նրանց հետ շատ ինտենսիվ են կապված իմ համար, ինտենսիվ էմոցիան կարմիրն է», - հայտարարել է երգչուհին։ Billboard ամսագրին տված հարցազրույցում Սվիֆթը ճշգրտել է, որ ալբոմի ձայնագրության ժամանակ, «Red»-ը դարձել է «իսկապես շրջադարձելի» երգ^[4]։

«Red» երգն իրենից ներկայացնում է քանթրի երգ սոֆթ ռոք և փոփ ռոքի ոճի երաժշտական տարրերով^[5]։ Կատարվել է մի մաժոր տոնայնությամբ և րոպեում ունի մոտ 125 հարված տեմպ։ Սվիֆթի վոկալն էլ իր հերթին գտնվում է F♯3-ից C♯5 դիապազոնում^[6]։

2013 թվականի նոյեմբերի 6-ին Թեյլոր Սվիֆթը կատարել է «Red» երգը «Country Music Association Awards» մրցանակաբաշխության ժամանակ՝ Էլիսոն Քրաուսի, Էդգար Մեյերի, Էրիկ Դարքենի, Սեմ Բուշի և Վինս Գիլլի հետ։ Մեկ օր անց երգի այդ տարբերակը հասանելի է դարձել թվային ներբեռնման համար^[7]։

Տեսահոլովակ

Երաժշտական տեսահոլովակը նկարահանել է Քեննի Ջեքսոնը^[8]։ Տեսահոլովակն առաջին անգամ ներկայացվել է 2013 թվականի հուլիսի 3-ին։ Տեսահոլովակի դրվագները վերցված են Սվիֆթի Red Tour համերգային շրջագայությունից^[9]։ Երգի հետ համատեղ տեսահոլովակում գերակշռում է կարմիր գույնը։ 2014 թվականին տեսահոլովակն անվանակարգվել է «CMT Music Awards» մրցանակաբաշխությանը՝ «տարվա տեսահոլովակ» անվանակարգում, սակայն մրցանակ այդպես էլ չի ստացել^[10]։

Արձագանքներ

Երգը հիմանականում դրական արձագանքներ է ստացել երաժշտական քննադատների և հեռուստադիտողների կողմից։ Ամենաքծնող արձագանքը թողել է Taste of Country-ի խմբագիր Բիլլի Դյուքսը։ Նա «Red» երգին տվել է 5-ից՝ 4.5 աստղ, անվանելով այն՝ ալբոմի լավագույն երգ^[11]։ Rolling Stone հրատարակությունն առանձնացրել է բանջոյի և կիթառի հնչեղությունը, բնութագրելով երգը որպես «պարզ», բայց միաժամանակ «էֆֆեկտիվ»^[12]։ E! Online-ի և Music City Post-ի տվյլաներով երգում նշվել են մեղեդայնությունը և զգայուն լիրիկան^[13]^[14]։

Ոչ միանշանակ արձագանք է արտահայտել Մարկ Հոգանը՝ Spin ամսագրից։ Քննադատի կարծիքով Թեյլոր Սվիֆթն իր վրա վերցրել է ոչ համապատասխան դեր որպես «փայլուն սոֆթ ռոքեր»^[15]։ Նմանատիպ կարծիք է արտահայտել Գրեյդի Սմիթը՝ Entertainment Weekly-ից։ Սմիթը համոզված է եղել, որ երգին չի հերիքում կիրք և սեքսուալություն։ Բացի այդ գրախոսությունների հիմնական ավարտ անցկացնելով լրագրողն ասել է. «Դա չի նշանակում, որ երգը վատն է, երևի թե այն ինձ մոտ ուղղակի հիացմունք չի առաջացրել»^[16]։

Երգացանկ

«Red» — CD, Թվային ներբեռնում^[17]

«Red» — 3:43

«Red (2013 CMA Awards Performance)» — թվային ներբեռնում^[18]

«Red (2013 CMA Awards Performance) [Էլիսոն Քրաուսի, Էդգար Մեյերի, Էրիկ Դարքենի, Սեմ Բուշի և Վինս Գիլլի մասնակցությամբ]» — 3:51

Ձայնագրման մասնակիցներ

Թեյլոր Սվիֆթ - վոկալ, պրոդյուսերավորում
Դեն Հաֆ, Թոմ Բուկովաց - էլեկտրոկիթառ
Ջիմմի Սլոաս -
Իլյա Տոշինսկի, Նեթան Չափման - Բանջո, ակուստիկ կիթառ
Փոլ Ֆրանկլին - ոճային կիթառ
Ջոնաթան Յուդկին - վիոլոնչել, ջութակ

Չարլի Ջեջ - դաշնամուր, սինթեզատոր
Աարոն Սթերլինգ - թմբուկներ
Ջասթին Նիբանկ - միքսինգ
Դրյու Բոլլման - օգնական
Հենք Ուիլյամս - մասթերինգ

Դիրքերը հիթ-շքերթներում

Շաբաթական հիթ-շքերթներ

Հիթ-շքերթ (2012—2013)	Ամենաբարձր հորիզոնական
ARIA^[19]	30
Canadian Hot 100^[20]	5
Canada Country (Billboard)^[21]	17
(Scottish Singles Chart)^[22]	22
SNEP^[23]	103
IRMA^[24]	25
RIANZ^[25]	14
PROMUSICAE^[26]	46
UK Singles Chart^[27]	26
Billboard Hot 100^[28]	6
Hot Country Songs (Billboard)^[29]	2
Country Airplay (Billboard)^[30]	7

Տարեվերջյան հիթ-շքերթներ

Հիթ-շքերթ (2013)	Հորիզոնական
ԱՄՆ Hot Country Songs (Billboard)^[31]	14
ԱՄՆ Country Airplay (Billboard)^[32]	23

Հավաստագրումներ


Տարածաշրջան	Հավաստագրում	Վաճառք
Ավստրալիա (ARIA)^[33]	Gold	35 000^{^}
Ճապոնիա (RIAJ)^[34]	Gold	100 000^{^}
ԱՄՆ (RIAA)^[35]	2× Platinum	2,000,000^[36]
^{^}Տվյալները հիմնված են միայն հավաստագրումների վրա։ ^xՉճշտված տվյալները հիմնված են միայն հավաստագրումների վրա։

Ծանոթագրություններ

Արտաքին հղումներ

Официальный сайт Тейлор Свифт

[2]

[1]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]

[17]

[18]

[19]

[20]

[21]

[22]

[23]

[24]

[25]

[26]

[27]

[28]

[29]

[30]

[31]

[32]

[33]

[34]

[35]

[36]

Search