Վաշինգտոն Փոստ

Թերթը հիմնադրվել է 1877 թվականին Սթիլսոն Հաթչինսոնի կողմից (անգլ.՝ Stilson Hutchins). 1880 թվականին ավելացվեց կիրակնօրյա թողարկումը՝ դառնալով քաղաքային առաջին թերթը, որը լույս էր տեսնում շաբաթը 7 օր։ Ինը տարի անց բաժանորդագրությունը զարգացնելու նպատակով անցկացվող միջոցառման շրջանակներում սեփականատերերը U. S. Marine Band ռազմական նվագախմբի ղեկավար, կոմպոզիտոր Ջոն Ֆիլիպ Սուզային (անգլ.՝ John Philip Sousa) հորինել քայլերգ, որը կուղեկցեր կարճ ստեղծագործությունների՝ ակնարկների մրցույթի հաղթողների պարգևատրման արարողությունը։ «Washington Post-ի քայլերգը» համարվում է Սուզայի դասական ստեղծագործություններից մեկը։

1899 թվականին՝ Իսպանա-ամերիկյան պատերազմի ամենաթեժ ժամանակ, թերթը հրապարակեց Քլիֆֆորդ Բերիմենի (անգլ.՝ Clifford K. Berryman) «Remember the Maine» դասական նկարազարդումը։

Ամենամեծ տպաքանակը թերթն ուներ 1993 թվականին, երբ լույս էր տեսնում 832 332 օրինակով։ 2005 թվականի հոկտեմբերի դրությամբ ընթերցողների միջին թիվը աշխատանքային օրերին կազմել է 715 181, իսկ շաբաթ օրերին՝ 983 243։ Այսպիսով, ընթերցողների թվաքանակով թերթն ԱՄՆ-ում զբաղեցնում է 5-րդ տեղը։ Alliance for Audited Media-ի տվյալներով 2013 թվականին The Washington Post-ը ամենահանրահայտ թերթերի ցուցակում իջավ 7-րդ հորիզոնական։ 2012 թվականի տվյալներով տպաքանակը կազմել է 472 000 օրինակ, 6,5 %-ով պակաս, քան մեկ տարի առաջ^[23]. Վաշինգտոնում գլխավոր մրցակիցն է The Washington Times-ը։

Թերթի լրագրողներն արժանացել են 47 Պուլիտցերյան մրցանակի, որոնցից 6-ը 2008 թվականին^[24][25], Նիմանի 18 կրթաթոշակի և Սպիտակ տան լուսանկարիչների միության 368 մրցանակի^[26]։

2013 թվականի օգոստոսին Ջեֆ Բեզոսը գնեց թերթը 250 միլիոն դոլարով^[27]։

• Վաշինգտոն Փոստը հայերեն Արխիվացված 2020-11-05 Wayback Machine

Վիքիպահեստն ունի նյութեր, որոնք վերաբերում են «Վաշինգտոն Փոստ» հոդվածին։