Թեոփրաստես (հին հունարեն՝ Θεόφραστος, լատին․՝ Theophrastos Eresios, մոտ մ. թ. ա. 371, Էտեստոս, Commune of Eresos - մ. թ. ա. 287[1], Աթենք), հույնփիլիսոփա-պերիպատետիկ, գիտնական, երաժշտության տեսաբան։ Արիստոտելի բարեկամն ու աշակերտը։ Բազմակողմանի գիտնական, բուսաբանություն և բույսերի աշխարհագրություն գիտությունների հիմնադիր (Արիստոտելի հետ միասին)։ Հեղինակ է բնագիտության տարբեր բնագավառներին վերաբերող (ֆիզիկայի, հանքաբանություն, ֆիզիոլոգիա, և այլն) ավելի քան 200 գրքերի, որոնցից մեզ են հասել միայն մի քանիսը։
Արիստոտելի տրամաբանական ուսմունքում կատարել է էական լրացումներ, որոնք առնչվում են նաև ժամանակակից տրամաբանությանը։ Արսեն Բագրատունին հայերենի է թարգմանել Թեոփրաստեսի «Նկարագիրք» աշխատությունը (հրտ. Վնտ., 1830, ԿՊ, 1901)։
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 173)։