ဂျက်လီ |
---|
၂၀၀၉ ခုနှစ်ကမ္ဘာ့စီးပွားရေးဖိုရမ်၌ ဂျက်လီ |
ဇာတိ အမည် | 李连杰 |
---|
မွေးဖွား | Li Lianjie (1963-04-26) ၂၆ ဧပြီ၊ ၁၉၆၃ (အသက် ၆၁) ဘေဂျင်း, တရုတ် |
---|
နိုင်ငံသား | စင်ကာပူ (၂၀၀၉မှ) အမေရိကန် (၂၀၀၃-၂၀၀၉) တရုတ် (၂၀၀၃အထိ) |
---|
အလုပ်အကိုင် | - မင်းသား
- သိုင်းပညာရှင်
- ရုပ်ရှင်ဒါရိုက်တာ
- ရုပ်ရှင်ထုတ်လုပ်သူ
- စာရေးဆရာ
|
---|
တက်ကြွလှုပ်ရှားနှစ်များ | ၁၉၈၂–လက်ရှိ |
---|
အရပ် | ၁.၆၈ m (၅ ft ၆ in) |
---|
အိမ်ထောင်ဖက်(များ) | Huang Qiuyan (လက်ထပ် 1987; ကွာရှင်း 1990) Nina Li Chi (လက်ထပ် ၁၉၉၉) |
---|
သားသမီး | သမီး ၄ ဦး |
---|
ရရှိသည့်ဆုများ | Full list |
---|
ဝက်ဘ်ဆိုဒ် | jetli.com |
---|
|
တရုတ်အမည် |
---|
ရိုးရာ တရုတ် | 李連杰 |
---|
ရိုးရှင်းသော တရုတ် | 李连杰 |
---|
Transcriptions |
---|
Standard Mandarin |
---|
Hanyu Pinyin | Lǐ Liánjié |
---|
Wade–Giles | Li Lien-chieh |
---|
IPA | [lì ljɛ̌n.tɕjě] |
---|
Yue: Cantonese |
---|
IPA | [le̬i lɪ̏ŋkìt] |
---|
Jyutping | Lei5 Lin4 Git6 |
---|
Hong Kong Romanisation | Lee Lin Kit |
---|
|
Li Yangzhong |
---|
ရိုးရာ တရုတ် | 李陽中 |
---|
ရိုးရှင်းသော တရုတ် | 李阳中 |
---|
Transcriptions |
---|
Standard Mandarin |
---|
Hanyu Pinyin | Lǐ Yángzhōng |
---|
Wade–Giles | Li Yang-chung |
---|
IPA | [lì jǎŋʈʂʊ́ŋ] |
---|
Yue: Cantonese |
---|
IPA | [le̬i jœ̏ŋtsʊ́ŋ] |
---|
Jyutping | Lei5 Joeng4 Zung1 |
---|
Hong Kong Romanisation | Lee Yeung Chong |
---|
|
|
Li Lianjie (၁၉၆၃ ဧပြီ ၂၆ တွင်မွေးဖွားသည်)၊ သူ၏အနုပညာအမည် ဂျက်လီဟု လူသိများသည်။ ဘေဂျင်းတွင် မွေးဖွားသော တရုတ်ရုပ်ရှင်မင်းသား၊ ရုပ်ရှင်ထုတ်လုပ်သူ၊ သိုင်းပညာရှင်နှင့် ဝူရှူးချန်ပီယံဟောင်းတစ်ဦး ဖြစ်သည်။ သူသည် စင်ကာပူနိုင်ငံသားပြုခွင့်ရသူတစ်ဦး ဖြစ်သည်။
ထင်ရှားသော ဝူရှူးဆရာဝူဘင်ဖြင့် သုံးနှစ်လေ့ကျင့်ပြီးနောက် လီသည် ဘေဂျင်းဝူရှူးအဖွဲ့ အတွက် သူ၏ပထမဆုံးအမျိုးသားချန်ပီယံဆုကို ရရှိခဲ့သည်။ အသက် ၁၉ နှစ်အရွယ် ဝူရှူးကနေအနားယူပြီးနောက် တရုတ်နိုင်ငံမှာ Shaolin Temple (1982) ရုပ်ရှင်ဖြင့် သူ့ရဲ့ပထမဆုံးသရုပ်ဆောင်အဖြစ် ပါဝင်ခဲ့ပြီး သရုပ်ဆောင်တစ်ယောက်အနေနဲ့ ချီးကျူးဂုဏ်ပြုခံခဲ့ရသည်။ အထူးသဖြင့် Zhang Yimou's Hero (၂၀၀၂)၊ Fist of Legend (၁၉၉၄) နှင့် ရိုးရာသူရဲကောင်း Wong Fei-hang ကိုပုံဖော်ခဲ့သည့် Once On a Time in China(၁၉၉၁-၁၉၉၃) ပထမရုပ်ရှင်ကားသုံးခုတွင် အဓိကသရုပ်ဆောင်မင်းသားအဖြစ် ပါဝင်သရုပ်ဆောင်ခဲ့သည်။ ။
လီသည် တရုတ်မဟုတ်သည့်ရုပ်ရှင်တွင် ပထမဆုံးအခန်းကဏ္ဍ သည် Lethal Weapon 4 (၁၉၉၈) တွင် လူကြမ်းအဖြစ်နှင့် ဟောလိဝုဒ်ရုပ်ရှင်၌ ပထမဆုံး ဦးဆောင်မှုမှာ Romeo Must Die (၂၀၀၀) တွင် ဖြစ်သည်။ သူသည်ပြင်သစ်ရုပ်ရှင် Luc Besson မှထုတ်လုပ်သော Kiss of the Dragon (2001) နှင့် Unleashed (၂၀၀၅) အပါအဝင် အပြည်ပြည်ဆိုင်ရာအက်ရှင်ရုပ်ရှင်များတွင် ပါဝင်ခဲ့သည်။ သူသည် Jason Statham နှင့် တွဲဖက်၍ The One (၂၀၀၁) နှင့် War (၂၀၀၇) တွင်ပါဝင်သရုပ်ဆောင်ခဲ့သည်။၊ The Forbidden Kingdom (၂၀၀၈) နှင့် ဂျက်ကီချန်း တို့နှင့်အတူ ပူးတွဲသရုပ်ဆောင်ခဲ့ပြီး Sylvester Stallone နှင့်အတူ The Expendables ရုပ်ရှင်ကားသုံးခုနှင့် The Mummy: Tomb of the Dragon Emperor (2008) ၏ လူကြမ်းမင်းသားအဖြစ် သရုပ်ဆောင်ခဲ့သည်။
ဂျက်လီ၏ငယ်ဘဝ
ဖခင်ဖြစ်သူ ကွယ်လွန်သွားပြီးနောက် ဂျက်လီတို့ မိသားစု၏ စားဝတ်နေရေးအတွက် ခက်ခက်ခဲခဲရုန်းကန် လှုပ်ရှားခဲ့ကြရသည်။ ဂျက်လီသည် ရှစ်နှစ်သားအရွယ်ကတည်းက ဝူရှူးသိုင်းပညာတွင် ပါရမီထူးချွန်ခဲ့သူ ဖြစ်သည်။ သူ၏ ဝူရှူးသိုင်းပညာကို ပေကျင်းဝူရှူးအသင်းတွင် လေ့လာသင်ကြားခဲ့ပြီးပုဂ္ဂလိက ရုပ်ရှင်ကုမ္ပဏီတစ်ခုက လီလျန်ဂျီဆိုသော သူ၏အမည်ရင်းမှာ အသံထွက်ရခက်သည်။ ထို့ပြင် သူ၏ဘဝသည်လည်း မြေပြင်မှ ဂျက်လေယာဉ်တစ်စင်း ကောင်းကင်သို့ထိုးတက်သွားသကဲ့သို့ အချိန်တိုတိုအတွင်း အောင်မြင်မှုများရရှိခဲ့သူဖြစ်သည့်အတွက် လီလျန်ဂျီဟူသော နေရာ၌ လျန်ဂျီကိုဖြုတ်ကာ "ဂျက်လီ"ဟု ရုပ်ရှင်ပိုစတာတွင် ရေးထိုးလိုက်သည်။ထိုအချိန်မှစ၍ လီလျန်ဂျီအမည်ပျောက်ကာ ဂျက်လီအမည်ပေါက်သွားခဲ့ရတော့သည်။ဂျက်လီသည် Shaolin Temple ဇာတ်လမ်းတွဲအပြင် The Once Upon a Time in China၊ Fistof Legend ၊ The Fong Sai Yuk ဇာတ်ကားများကိုလည်း ရိုက်ကူးခဲ့သည်။ ဂျက်လီသည် တရုတ်ရုပ်ရှင်နည်းပြဆရာများမှာ လီဂျန်ဖန်နှင့် ဝူပင်တို့ ဖြစ်ကြသည်။ ဝူရှူးသိုင်းပညာကိုလေ့ကျင့်သင်ကြားနေသော ဂျက်လီအနေဖြင့် ခန္ဓာကိုယ်ကျန်းမာကြံ့ခိုင်ရန်အစာအာဟာရ ကောင်းကောင်းမွန်မွန်စားသုံးရန်လိုအပ်သော်လည်း ဝယ်ယူစားသုံးရန် အခက်အခဲရှိသည့် ဂျက်လီတို့မိသားစုကို နည်းပြဆရာဝူပင်ကထောက်ပံ့ပေးခဲ့ရသည်ဟု ဆိုသည်။သို့သော်လည်း ဂျက်လီသည် ဝူရှူးသိုင်းပညာကို ပြင်းပြင်းထန်ထန်လေ့ကျင့်သင်ကြားခဲ့ပြီး တရုတ်ဝူရှူးချန်ပီယံရှစ်တွင် အသက်ငယ်ငယ်ရွယ်ရွယ်နှင့် ရွေတံဆိပ် ၁၅ ခုနှင့် ငွေတံဆိပ်တစ်ခု ဆွတ်ခူးရယူနိုင်ခဲ့သည်။ တစ်ခါသော် ဂျက်လီသည် တရုတ်အမျိုးသား ဝူရှူးအဖွဲ့နှင့်အတူ အမေရိကန်ပြည်ထောင်စု၌ အမေရိကန် သမ္မတရစ်ချက် နစ်ကဆင်ကို ဝူရှူးသိုင်းပညာနှင့် ဖျော်ဖြေတင်ဆက်ပြီးနောက် သမ္မတနစ်ဆင်က ဂျက်လီကို သူ၏ ကိုယ်ရံတော်သက်တော်စောင့်အဖြစ် လုပ်ကိုင်ပေးရန် ကမ်းလှမ်းခဲ့သည်။သို့သော်လည်း ဂျက်လီက ပုဂ္ဂိုလ်တစ်ဦးတစ်ယောက်တည်းကိုကာကွယ်ပေးရသည့် အလုပ်ကို မလုပ်ချင်ပါ။ ကျွန်တော်ကြီးပြင်းလာသည့်အခါ သန်းပေါင်းများစွာသော တရုတ်လူမျိုးများကိုသာ ကာကွယ်ပေးချင်ပါသည်ဟုဆိုကာ ငြင်းပယ်ခဲ့သည်။
ဂျက်လီဖြစ်လာခြင်းနှင့် ရုပ်ရှင်ဇာတ်ကားများ
ဂျက်လီသည် ၁၉၈၂ ခုနှစ်က ဇာတ်ကားဖြင့် ရုပ်ရှင်လောကသို့ ရောက်ရှိလာသူဖြစ်ပြီးယင်းနှစ်၌ပင် သူသည် ဖိလစ်ပိုင်နိုင်ငံသို့ ရောက်ရှိလာစဉ်လောက၊ဟောင်ကောင်ရုပ်ရှင်လောကတွင်သာမက ဟောလိဝုဒ်ရုပ်ရှင်လောကတွင်ပါ အောင်မြင်မှုရရှိခဲ့သော မင်းသားတစ်ဦးဖြစ်သည်။ ဟောင်ကောင်အက်ရှင်မင်းသား ဂျက်ကီချန်းနှင့် ဇာတ်ကားကိုလည်း တွဲဖက်ရိုက်ကူးခဲ့သည်။ ၂ဝဝ၇ခုနှစ်က ဟောင်ကောင်ရုပ်ရှင် ဆုပေးပွဲတွင် The Warlords ဇာတ်ကားဖြင့်အကောင်းဆုံးအမျိုးသား သရုပ်ဆောင်ဆုကိုလည်း ရရှိခဲ့သည်။ ဂျက်လီ၏အခြားသောထင်ရှားသည့် ဇာတ်ကားများမှာ Lethal Weapon 4၊ Romeo Must Die? Kiss of the Dragon၊ The One၊ Unleashed၊ Fearless စသည့် ဇာတ်ကားပေါင်းများစွာရှိသေးသည်။
အိမ်ထောင်ရေး
ဂျက်လီသည် ၁၉၈၇ ခုနှစ်တွင် ပေကျင်းဝူရှူးအဖွဲ့ဝင် Shaolin Templeဇာတ်ကားတွင် တွဲဖက်သရုပ်ဆောင်ခဲ့သည့် ဟန်ကွမ်ရင်နှင့်လက်ထက်ခဲ့ပြီး သမီးနှစ်ဦးထွန်းကားခဲ့သည်။ ၎င်းတို့သည် ၁၉၉ဝ ခုနှစ်တွင် ကွာရှင်းပြတ်စဲခဲ့ကြပြီးဂျက်လီသည် ၁၉၉၉ ခုနှစ်တွင် ရှန်ဟိုင်းဇာတိဖွားဟောင်ကောင်မင်းသမီး နီနာလီချီနှင့် ထပ်မံလက်ထပ်ခဲ့ပြီးသမီးနှစ်ဦး ထပ်မံထွန်းကားခဲ့သည်။[၁]
စင်ကာပူနိုင်ငံသား ဂျက်လီ
ဂျက်လီသည် ၂ဝဝ၉ ခုနှစ် ဇူလိုင် ၂၈ ရက်တွင် စင်ကာပူနိုင်ငံသားအဖြစ် ခံယူခဲ့သည်။
ကိုးကား