1678

Ár

Áratugir

Aldir

Árið 1678 (MDCLXXVIII í rómverskum tölum) var 78. ár 17. aldar sem hófst á laugardegi samkvæmt gregoríska tímatalinu en þriðjudegi samkvæmt júlíska tímatalinu sem er tíu dögum á eftir.

Atburðir

8. janúar - Svíar náðu eynni Rügen aftur af Brandenborgurum í orrustunni við Warksow.
18. febrúar - Bókin För pílagrímsins eða Krossgangan eftir John Bunyan kom út.
22. apríl - Karl 11. Svíakonungur gaf út þá skipun að allir karlmenn milli 15 og 60 ára í Ørkened á Skáni skyldu teknir af lífi vegna gruns um að þeir væru snapphanar, uppreisnarmenn gegn yfirráðum Svía á Skáni.
11. maí - Franski flotaforinginn Jean 2. d'Estrées sigldi öllum flota sínum, sautján skipum, í strand á kóralrifi við Curaçao.
10. ágúst - Stríði Frakklands og Hollands lauk með Nijmegen-samningunum.
6. september - Titus Oates hóf að segja opinberlega frá meintu Páfasamsæri til að myrða Karl 2..
16. september - Brandenborgarar lögðu Rügen undir sig.
12. október - Dómarinn Edmund Berry Godfrey fannst myrtur á Primrose Hill í London. Litið var á það sem staðfestingu á Páfasamsærinu.
15. október - Stralsund gafst upp fyrir Brandenborgurum.
15. nóvember - Síðasta borgin í Sænsku Pommern, Greifswald, gafst upp fyrir Brandenborgurum.

Guðrún Bjarnadóttir, 18 ára, og Bjarni Halldórsson, faðir hennar, bæði frá Grund, Eyrarsveit, tekin af lífi fyrir blóðskömm og dulsmál.
3. júlí - Eyvindur Jónsson, 48 ára, og Margrét Símonardóttir, 38 ára, bæði frá Ölfusi í Árnessýslu, tekin af lífi á Alþingi fyrir hórdóma og útilegu, henni drekkt en hann hálshogginn.
Þuríður Ólafsdóttir, 63 ára, og sonur hennar, Jón Helgason, 23 ára, bæði tekin af lífi með brennu í Barðastrandasýslu, fyrir galdra.
Stefán Grímsson, 23 ára, brenndur á báli í Húnavatnssýslu fyrir galdra.^[1]