Old Tjikko er rauðgreni á Fulufjället í Dalarna í Svíþjóð. Það er samkvæmt rannsóknum heimsins elsti staki trjáklónn, og mun vera að minnsta kosti 9550 ára gamalt.Í kring um tréð voru tekin fjögur sýni af rótinni og voru þau greind með C-14 aldursgreiningu og voru þau 375, 5 660, 9 000 og 9 550 ára gömul. Erfðagreining staðfesti að öll sýnin voru sami klónninn.[1] Finnandinn Leif Kullman gaf trénu nafn eftir hundinum sínum Tjikko.[2]
Um 20 greni eldri en 8000 ára finnast í svæðinu frá Lapplandi til Dalarna,[1] þar á meðal jafnaldri Old Tjikko; Old Rasmus.[3] Fundur Old Tjikko og annarra mjög gamalla grenitrjáa á fjöllum Skandinavíu hefur breytt sýn manna á það sem áður var talið sein útbreiðsla grenis þar.[4]
