José Ramos Horta
José Manuel Ramos-Horta (Portugis: IPA: [ʒu'zɛ 'ʁɐmuz 'oɾtɐ]), GCL (lair 26 Dhésèmber 1949; umur 74 taun) inggih punika Prèsidhén Timor Leste kaping kalih wiwit mardika saking Indonésia,wiwit njabat ing tanggal 20 Mèi 2007.[1] Sadèrèngipun dados prèsidhén, panjenenganipun njabat Mahamantri Timor Leste.[1] Panjenenganipun njabat dados Mahamantri timor Leste tanggal (8 Juli 2006-20 Mèi 2007) lan Mantri Njaban Rangkah Timor Leste wiwit mardika ing taun 2002 ngantos lengsér ing taun 2006, sadèrèngipun Hose dados juru wicara tumrap parlawanan Timor Leste ing pangasingan nalika Timor Leste taksih dipunparéntah Indonésia antawis taun 1975 lan 1999.[1] Panjenenganipun pikantuk bebungah Nobél ing taun 1996.[2]Sasampunipun ndhèrèk grombolan anti-Portugis, panjenenganipun tindak dhateng pangasingan (1970-1972) ing Mozambik. Sasampunipun kondur malih dhateng Timor Leste, panjenenganipun lajeng ndhèrèk organisasi Front Revolusioner kanggé Kamardikan Timor Leste (FRETILIN).[3] Nalika Indonésia nginvasi Timor Leste malih, Ramos Horta wangsul malih dhateng pangasingan lan dados juru wicara kanggé kamardikan Timor Timur ing jagad internasional.[3]
| José Manuel Ramos-Horta, GCL | |
 | |
Présidhèn Timor Leste ke-2 | |
|---|---|
| Isih njabat | |
| Wiwit njabat 17 April 2008 | |
| Perdana Menteri | Xanana Gusmão |
| Sadurungé | Fernando de Araújo (Pejabat) |
| Pengganti | Belum ada |
| Masa jabatan 20 Mèi 2007 – 13 Fèbruari 2008 | |
| Perdana Menteri | Estanislau da Silva Xanana Gusmão |
| Sadurungé | Xanana Gusmão |
| Pengganti | Vicente Guterres (Pejabat) |
Mahamantri Timor Leste ke-2 | |
| Mangsa jabatan 26 Juni 2006 – 19 Mèi 2007 | |
| Presiden | Xanana Gusmão |
| Sadurungé | Mari Alkatiri |
| Pengganti | Estanislau da Silva |
| Lahir | Dhésèmber 26, 1949 Dili, Timor Leste |
| Partai politik | Independen |
| Agama | Katolik Roma |
Kulawarga
Jose miyos 26 Dhésèmber 1949, ing Kutha Dili. Panjenenganipun gadhah sadhèrèk cacah sawelas, tiga ing antawisipun dipunperjaya pati déning militér Indonésia nalika Timor Leste taksih dipunkuwaosi Indonésia (1975-1999).[1]
Cathetan suku
Pranala njawi
Biografi Dr José Ramos-Horta[pranala mati permanèn]