ბერძნები
ბერძნები (ბერძ. Έλληνες „ელლინეს“ — ელინები) — ხალხი, საბერძნეთის ძირითადი მოსახლენი (9,72 მლნ). ცხოვრობენ აგრეთვე კვიპროსზე (570 ათ.), აშშ-ში (550 ათ.), გერმანიაში (300 ათ.), რუსეთის ფედერაციაში (92 ათ.).
- სახელები: აფხ. абырзе́н [abәrzen]; იონი[1];
- საერთო რაოდენობა: 12,4 მლნ.
- ენა: ახალბერძნული.
- მორწმუნეები: ძირითადად მართლმადიდებლები.
ბერძნები Έλληνες | |
---|---|
პირველი რიგი ჰომეროსი • ლეონიდასი • პერიკლე არგიროპულო ჰეროდოტე• ჰიპოკრატე მეორე რიგი სოკრატე • პლატონი • არისტოტელე • ალექსანდრე მაკედონელი • არქიმედე მესამე რიგი ჰიპატია • ბასილ II • ალექსი I კომნენოსი • გემისტუს პლეთო • ელ გრეკო მეოთხე რიგი რიგას ფერეოსი • თედორე კოლოკოტრონისი • ლასკარინა ბუბულინა • გეორგიოს კარაისკაკისი • იოანე კაპოდისტრია მეხუთე რიგი ვენიზელოს ელეფტერიოსი • კონსტანტინოს კავაფისი გეორგიოს პაპანიკოლაუ • მაკარიოს III • პიროს დიმასი | |
საერთო მოსახლეობა | |
12,4 მლნ. | |
რეგიონები მნიშვნელოვანი მოსახლეობით | |
საბერძნეთი | 9,72 მლნ. |
კვიპროსი | 570 ათ. |
აშშ | 550 ათ. |
ენები | ახალბერძნული |
რელიგიები | მართლმადიდებლები |
საქართველოში მცხოვრები ბერძნები
საქართველოში მცხოვრებმა ბერძნებმა (აფხაზეთსა და აჭარაში) შემოინახეს ძველი ტანისამოსის ელემენტები. მამაკაცის ტანისამოსიდან შეიძლება გამოიყოს „ზიპუნი“ ან „ენტერი“ (ზედატანის სამოსი), „გელანი“ (თბილი ჟილეტი ან მოკლე თბილი პიჯაკი), ფართო შარავარები, ხოლო ქალის ტანსაცმელში — „ხიტონი“. წარსულში ურუმები კაბის ნაცვლად ხელნაკეთი მაუდისგან შეკერილ „ჩხუს“ ატარებდნენ, პიჯაკის ნაცვლად — არხალუხს, შარვლის ნაცვლად — ფართო შარავარებს; ფეხთ ემოსათ შალის მოხატული ნაქსოვი წინდები და მოქნილი ტყავის ფეხსაცმელი — „ჩარუზი“, თავზე ცხვრის ტყავის ფაფახი ეხურათ. მრავალფეროვნებით გამოირჩეოდა ქალების თავის, მხრის, მკერდის, ყურისა და ხელის მორთულობა.
საქართველოში მცხოვრები ბერძნების საკვებიც არაერთგვაროვანი იყო. მდიდრებს უფრო მეტი ჰქონდათ ხორციანი საჭმელი, ღარიბები კი ახალდაკრეფილი, საკვებად ვარგისი ველური ბალახით — ღიმითა და პავალიკით კმაყოფილდებოდნენ. ბალახებს იმარაგებდნენ და უხვად ინახავდნენ ზამთრისთვის. ბერძნები აცხობდნენ ხორბლის პურს ან სიმინდის მჭადს, წარსულში საკვებად გამოიყენებოდა ქერის ან ასლის პურიც (წალკა). აფხაზი ბერძნების ეროვნულ ნაციონალურ საკვებს წარმოადგენდა ფაფა.