ჟან კასტექსი
ჟან კასტექსი ( french: [ jean castex ]; დ. 1965 წლის 25 ივნისს)—ფრანგი პოლიტიკოსი, რომელიც იყო ქვეყნის პრემიერ მინისტრი 2020 წლის 3 ივლისიდან 2022 წლის 16 მაისამდე.[1] ის იყო რესპუბლიკელების (LR) წევრი 2020 წლამდე, სანამ შეუერთდებოდა პარტია La République En Marche-ს! (LREM). [2] კასტექსი თორმეტი წლის განმავლობაში მუშაობდა პატარა ქალაქ პრადესის მერად, სანამ პრეზიდენტი ემანუელ მაკრონი პრემიერ-მინისტრად დანიშნავდა. მან თანამდებობა დატოვა 2022 წლის მაისში [3]
| ჟან კასტექსი | |
 კასტექსი 2020 წელს | |
| საფრანგეთის პრემიერ მინისტრი | |
|---|---|
| თანამდებობაზე ყოფნის დრო | |
| 3 ივლისი 2020 – 16 მაისი 2022 | |
| პრეზიდენტი | ემანუელ მაკრონი |
| წინამორბედი | ედუარდ ფილიპე |
| მემკვიდრე | ელისაბედ ბორნი |
კონფლენტ კანიგო | |
| თანამდებობაზე ყოფნის დრო | |
| 7 იანვარი 2015 – 3 ივლისი 2020 | |
| პრეზიდენტი | ემანუელ მაკრონი |
| წინამორბედი | თანამდებობა შეიქმნა |
| მემკვიდრე | ჟან-ლუი ჟალატი |
პრეზიდენტის გენერალური მდივნის თანაშემწე | |
| თანამდებობაზე ყოფნის დრო | |
| 28 თებერვალი 2011 – 15 მაისი 2012 | |
| პრეზიდენტი | ნიკოლა სარკოზი |
პრადესის მერი | |
| თანამდებობაზე ყოფნის დრო | |
| 18 მარტი 2008 – 3 ივლისი 2020 | |
| წინამორბედი | ჟან-ფრანსუა დენისი |
| მემკვიდრე | ივ დელკორი |
| დაბადებული | 25 ივნისი, 1965 ვიკ ფეზენსასი, ჟერი, საფრანგეთი |
| რეზიდენცია | Hôtel Matignon |
| პოლიტიკური პარტია | La République En Marche! (2020 წლიდან დღემდე) |
| მეუღლე | სანდრა რიბელეიგი |
| შვილები | 4 |
| განათლება | ადმინისტრაციის ეროვნული სკოლა, პოლიტიკური კვლევების ინტიტუტი, ტულუზის უნივერისტეტი |
| ხელმოწერა |  |
პოლიტიკური კარიერა
2008 წელს აირჩიეს პრადესის, პირენე-ორიენტალესის მერად. [4] კასტექსი ჯანდაცვის მინისტრის ქსავიერ ბერტრანის დაქვემდებარებაში მსახურობდა ფრანსუა ფიიონის სამინისტროს შტაბის უფროსად 2010 წლიდან 2011 წლამდე. მან, 2011-2012 წლებში შეცვალა რაიმონდ სუბი ელიზეს გენერალური მდივნის თანამდებობაზე პრეზიდენტ ნიკოლა სარკოზის დროს.
ადგილობრივ დონეზე, კასტექსი იყო ლანგედოკ-რუსილიონის რეგიონალური მრჩეველი 2010 წლიდან 2015 წლამდე და 2015 წლიდან მსახურობდა პირენე-ორიენტალის დეპარტამენტის მრჩევლად. 2017 წლის სექტემბერში კასტექსი დაინიშნა უწყებათაშორის დელეგატად 2024 წლის ოლიმპიადისა და პარაოლიმპიადისთვის. ის ასევე იკავებდა სპორტის ეროვნული სააგენტოს პრეზიდენტის პოსტს. [5] 2020 წლის 2 აპრილს იგი დაინიშნა საფრანგეთში COVID-19-ის პანდემიის დროს განხორციელებული ჩაკეტვების ეტაპობრივი შეწყვეტის კოორდინატორად.
კასტექსი იყო რესპუბლიკელების წევრი 2020 წლის დასაწყისამდე, სადაც მას სოციალურ კონსერვატორად თვლიდნენ. [6] 2020 წლის 3 ივლისს ედუარდ ფილიპის გადადგომის შემდეგ, კასტექსი პრემიერ-მინისტრად დანიშნა პრეზიდენტ ემანუელ მაკრონმა.კასტექსმა მოგვიანებით, 6 ივლისს, დაასახელა თავისი მთავრობა. [7]
2022 წლის 25 აპრილს, მაკრონის პრეზიდენტად ხელახლა არჩევის შემდეგ, კასტექსი დათანხმდა პრემიერ-მინისტრის თანამდებობიდან გადადგომას. [3] კასტექსმა მანამდე პირობა დადო, რომ ამას გააკეთებდა, თუ მაკრონს ხელახლა აირჩევდნენ. [8] [9]
ცხოვრება პოლიტიკის შემდეგ
თანამდებობის დატოვების შემდეგ, კასტექსი მისმა მემკვიდრემ, ელისაბედ ბორნმა, წარადგინა საფრანგეთის ტრანპორტის ინფრასტრუქტურის სააგენტოს (AFITF) დირექტორთა საბჭოს თავმჯდომარედ. [10]
პირადი ცხოვრება
კასტექსი, რომლის სახელი გასკონურად ნიშნავს "ციხეს", წარმოშობით იყო ჟერის დეპარტამენტიდან . ის დაქორწინებულია სანდრა რიბელეიგზე; მათ ჰყავთ ოთხი ქალიშვილი. [11]
თავისუფლად საუბრობს კატალონიურ ენაზე. კასტექსი ითვლება სამხრეთ საფრანგეთში კატალონიურ იდენტობის დამცველად.
კასტექსი მეგობრობს პროფკავშირის ყოფილ ლიდერთან ჟან-კლოდ მეილისთან და ექიმ პატრიკ პელუსთან, Charlie Hebdo-ს ყოფილ მიმომხილველთან.
2021 წლის 23 ნოემბერს კასტექსს დაუდასტურდა COVID-19 .