Jalāl Ṭālabānī
Jalāl Ṭālabānī seu litteris Arabicis جلال طالباني (die 12 Novembris 1933 natus; Berolini mortuus die 3 Octobris 2017) fuit politicus Iracae origine Carduchus.
.jpg)
Ad Kirkan iuxta Suleimaniam natus, in urbibus Koya(en), Arbela, Corcyra(en) educatus, Jalāl Ṭālabānī iuribus studuit apud universitatem Bagdatensem, unde subito abscedit ne propter agitationes politicas expelleretur. Ab anno fere 1961, rursus ab 1976, denuo annis 1980 pro autonomia et libertate Carduchiae Iracensis militavit legationesque conduxit. Constitutionem regiminis Carduchici regionalis anno 1992 adiuvit.
Praeses Iracae die 6 Aprilis 2005 a conventu nationali electus, usque ad diem 24 Iulii 2014 hoc officio fungebatur, sed a mense Decembri 2012 morbo graviter affectus, qua ratione aliquot menses annorum 2013, 2014 et 2017 Berolini in nosocomio iacebat.
Bibliographia
- Mark McDonald, "Jalal Talabani, Kurdish Leader and Iraq’s First Postwar President, Is Dead at 83" in New York Times (3 Octobris 2017)
Nexus externi
 | Lexica biographica: • Gran Enciclopèdia Catalana • Store norske leksikon |
- "Jalal Talabani": vita apud CIDOB: Barcelona Centre for International Affairs (Hispanice)
 | ||||
Capsae cognatae: Primi ministri Iracae | ||||
