भारतक संविधान
भारतक संविधान भारतक सर्वोच्च संविधिक विधान थीक ।[१] ई मौलिक राजनीतिक सिद्धान्त सभक परिभाषित रूप-रेखा प्रस्तुत करैत अछि, विभिन्न तरहक संस्थान सभक संरचना, प्रक्रिया, शक्ति आ" कर्तव्यक स्थापन करैत अछि आ' मौलिक अधिकार, निर्देश सिद्धान्त ओ नागरिक लोकनिक कर्तव्य सेहो निर्धारित करैत अछि । भारतक संविधान विश्वक कोनहु टा गणतान्त्रिक देशक सभ सँ पैघ लिखित संविधान थीक ।[२] ई संविधान निर्माणक लेल मुख्य उत्तरदायी निकायक रूप मे संविधान प्रारूप समितिक अध्यक्ष भीमराव आम्बेडकर के मानल जाइत अछि ।
भारतक संविधान Constitution of India | |
---|---|
पारित तिथि | २६ नवम्बर १९४९ |
जारी तिथि | जनवरी २६, १९५० |
लेखक(सभ) | भीमराव आम्बेडकर आ' भारतक संविधान केरि प्रारूप समिति |
उद्देश्य | भारतीय स्वतन्त्रता अधिनियम प्रतिस्थापनक लेल |
ई संविधान वैधानिक सर्वोच्चता प्रदान करैत अछि परंतु संसदीय सर्वोच्चता नहि, कारण ई संसद द्वारा नहि बनाओल गेल वरन संविधान सभा द्वारा बनाओल गेल ओ भिन्न-भिन्न न्यायिक सिद्धान्तक अधीन विधिमान्य स्थापित कयल गेल अछि । संविधान प्रस्तावनाक घोषणा होइतहि एकरा भारतीय द्वारा अपनायल गेल अछि ।[३]भारतीय संसद संविधान के निरसित नहि क' सकैत अछि ।