B. R. Ambedkar

Dr. Bhimrao Ambedkar
Ankapobeny
Anarana	Dr. Bhimrao Ambedkar
Teraka	14 aprily 1891
Maty	6 Desambra 1956
Fiaviana sy ny andraikitra
Firenena	India
Asa :	mpahay toekarena mpahay lalàna mpanoratra mpanao politika mpanao asa soratra filôzôfy
Fiainana manokana

Bhimrao Ramji Ambedkar (14 aprily 1891 - 6 Desambra 1956), fantatra ihany koa amin'ny hoe Dr. Babasaheb Ambedkar dia mpahay lalàna indianina, mpahay toekarena sy mpanao politika ary mpanao fanavaozana ara-tsosialy, izay nanentana ny hetsiky ny dalit bodista ary nanao fampielezan-kevitra hanohitra ny fanavakavahana ara-tsosialy an'ireo tsy azo tohina (dalit). Nanohana ny zon'ny vehivavy sy ny asa koa izy. Izy dia minisitry ny lalàna sy ny fitsarana voalohany tany India, ny mpanao mari-pahaizana momba ny lalàm-panorenan'i India, ary ny ray mpanorina ny Repoblikan'India.^{[1][2][3][4][5][6]}

Tamin'ny 1956, nanomboka ny fivadihan-toerana be an'i dalit izy, sady niova ho bodista niaraka tamin'ny mpanohana azy miisa 600 000 ary namelona indray ny finoana bodista tany India. I Ambedkar dia noraisina ho bodhisattva, ary ny Maitreya, eo amin'ireo bodista Navayana.^{[7][8][9][10]}

Tamin'ny taona 1990, dia nomena ny Bharat Ratna, izay loka sivily ambony indrindra ao India, i Ambedkar. Ny lova navelan'i Ambedkar dia misy fahatsiarovana sy sary marobe amin'ny kolontsaina malaza. Ny lova navelan'i Ambedkar amin'ny maha-reformista ara-tsosialy sy ara-politika azy dia ny fiatraikany lalina tamin'ny India moderina.^[11][12]

Ambedkar dia voafidy ho "Indianina lehibe indrindra" (The Greatest Indian) tamin'ny taona 2012 tamin'ny alàlan'ny fitsapan-kevitra nokarakarain'i History TV18 sy CNN IBN.^[13]

Ny Ambedkar Jayanti (tsingerintaona nahaterahan'i Ambedkar) dia festival fanao isan-taona ankalazaina isaky ny 14 aprily, izay ankalazaina tsy any India ihany fa manerantany ihany koa. Ny Ambedkar Jayanti dia ankalazaina ho toy ny andro fialantsasatra ofisialy manerana an'i India.^[14][15][16] Nankalaza an'i Ambedkar Jayanti ny Firenena Mikambana tamin'ny taona 2016 sy 2017 ary 2018.^[17][18][19]