Десагана Диоп

Десагана Диоп (30 јануари 1982 во Дакар) — поранешен сенегалски професионален кошаркар кој настапувал за повеќе екипи во НБА. Диоп бил избран како осми пик на драфтот во 2001 година од страна на Кливленд Кавалирс, каде останал четири сезони. Во 2005 потпишал за Далас Маверикс, со чија екипа стигнал до финалето на НБА во 2006, но таму загубиле од Мајами Хит со 4–2.

Десагана Диоп

Диоп во дресот на Кавалирс во октомври 2013
Лични информации
Роден на	30 јануари 1982(1982-01-30) (42 г.) Дакар, Сенегал
Националност	Сенегалец
Височина	7 ст 0 ин (2.13 м)
Тежина	280 lb (127 kg)
Информации за кариера
Средно училиште	Оук Хил Академи (Вирџинија)
НБА драфт	2001 / Круг: 1 / Избор: 8-ми вкупно
Одбран од Кливленд Кавалирс
Професионална кариера	2001–2013
Тренерска кариера	2014–сѐ уште
Историја на кариера
2001–2005	Кливленд Кавалирс
2005–2008	Далас Маверикс
2008	Њу Џерси Нетс
2008–2009	Далас Маверикс
2009–2013	Шарлот Бобкетс
Stats at NBA.com

Во февруари 2008 Диоп бил испратен во Њу Џерси Нетс како дел од размената со која во Далас пристигнал Џејсон Кид.^[1] По крајот на сезоната, Диоп во јули се вратил во Далас потпишувајќи шестгодишен договор вреден 32 милиони долари.^[2] Во јануари 2009 бил трампан во екипата на Шарлот Бобкетс, каде останал до крајот на кариерата.

По завршување на играчката кариера, Диоп започнал да работи како тренер. Првото тренерско искуство му било со екипата на Тексас Легендс од НБА развојна лига како помошник тренер во периодот 2014–2016.^[3] Во 2016 бил ангажиран во стручниот штаб на екипата на Јута Џез.^[4]