Спиро Ристовски

Спиро Ристовски е роден е на 6 јули 1981 година во Скопје. По професија е дипломиран правник, а високо образование стекнал на факултетот за правни студии „Јустинијан Први“ при универзитетот „Св. Кирил и Методиј“ во Скопје.

Ристовски работел како правник во приватниот сектор, а во 2007 и 2008 бил заменик-директор на агенција за супервизија на капитално финансирано пензиско осигурување (МАПАС). Ристовски бил министер за образование и наука во периодот 2013–2014 и министер за труд и социјална политика во периодот 2011–2013.^[1] На 10 јули 2014 година бил назначен за заменик министер за образование и наука^[2], и оваа функција ја извршувал до 31 мај 2017 година.

На 20 февруари 2019 година бил уапсен под обвинение дека бил еден од организаторите за Упадот во Собранието на Македонија од 27 април 2017 година^[3].

На 16 јануари 2024 година, Европскиот суд за човекови права донесе пресуда со која што констатира дека Ристовски неосновано бил држен во притвор повеќе од 20 месеци, при што била пресудена и штета која што државата требала да му ја исплати на Ристовски.^[4].

• Профил на Ристовски на мрежното место на Владата на РМ Архивирано на 11 јануари 2013 г.
• Профил на Ристовски на мрежното место на ВМРО ДПМНЕ Архивирано на 19 јануари 2013 г.
• Неговата Фејсбук страница