Хавајско-алеутски часовен појас
Хавајско-алеутски часовен појас — часовен појас во САД, десет часа зад координираното универзално време (UTC) при стандардно сметање (UTC−10:00) и девет часа зад него при летно сметање (UTC−09:00)[1][2]. Часовничкото време на појасот се води по средното сонечево време на 150. западен меридијан од Гринич.
Хавајско-алеутски часовен појас | |
---|---|
часовен појас | |
Отстапување од UTC | |
HST | UTC−10:00 |
HDT | UTC−09:00 |
Тековно време | |
02:13, 14 мај 2024 HST [поднови] {{time}} — грешка при пресметување на времето и датумот (dst) (помош) | |
Сметање на летно време | |
Летното време важи во целиот појас. |
Часовниот појас е наречен по двете подрачја кои ги опфаќа: Хаваите и дел од Алеутските Острови на Алјаска западно од 169° 30′ ЗГД.
При летно сметање на времето (DST), алјаскиот дел се види по хавајско-алеутското летно време (HDT, UTC−09:00), додека пак Хаваите остануваат на стандардното време, бидејќи таму летното време е укинато во септември 1945 г.[3]
Од 1900 до 1947 г. стандардно време на Хаваите било UTC−10:30.[4]
Француска Полинезија користи UTC−10:00 за поглемите населени места.[5] Истото време важи и на Куковите Острови.[6] Во овие краишта не важи летното сметање на времето. „Хавајско-алеутски часовен појас“ е американски поим и затоа полинезиските подрачја не се сметаат за дел од овој појас.
Најголемиот град во хавајско-алеутскиот часовен појас е Хонолулу.
Поголеми градови
- Капаа, Хаваи
- Каилуа-Кона, Хаваи
- Кахулуи, Хаваи
- Хило, Хаваи
- Хонолулу, Хаваи
Други значајни места
- остров Адак, Алјаска
- Џонстонов Атол
Поврзано
Наводи
Надворешни врски
- HST — хавајско-алеутско стандардно време (англиски)
- HDT — хавајско-алеутско летно време (англиски)
- Кои се часовните појаси во САД? — NIST (англиски)
- Хаваско-алеутски часовен појас — Корнел (англиски)