അസ്മ അൽ അസദ്
സിറിയയിലെ പ്രഥമ വനിതയാണ് അസ്മ അൽ അസദ് (English: Asma al-Assad (അറബി: أسماء الأسد )
അസ്മ അൽ അസദ് أسماء الأسد | |
|---|---|
 അസ്മ അൽ അസദ് 2003ൽ | |
| സിറിയയുടെ പ്രഥമ വനിത | |
പദവിയിൽ | |
| ഓഫീസിൽ ഡിസംബർ 2000 | |
| മുൻഗാമി | അനിസ മഖ്ലൂഫ് |
| വ്യക്തിഗത വിവരങ്ങൾ | |
| ജനനം | 11 ഓഗസ്റ്റ് 1975 ലണ്ടൻ, ഇംഗ്ലന്റ് |
| ദേശീയത | ബ്രിട്ടീഷ്, സിറിയൻ |
| പങ്കാളി | ബാഷർ അൽ അസദ് (m. 2000) |
| Relations | ഫവാസ് അഖ്രസ് (അച്ഛൻ) |
| കുട്ടികൾ | 3 |
| അൽമ മേറ്റർ | കിംഗ്സ് കോളേജ് ലണ്ടൻ (ബി.എസ് സി) |
സിറിയയുടെ പത്തൊൻപതാമത് പ്രസിഡന്റായ ബഷാർ അൽ അസദിന്റെ ഭാര്യയാണ്.[3][4] സിറിയൻ മാതാപിതാക്കളുടെ മകളായി ലണ്ടനിലാണ് അസ്മ ജനിച്ചത്. ജനിച്ചതും വളർന്നതും യുകെയിലാണ്. 1996ൽ കിങ്‌സ് കോളേജ് ലണ്ടനിൽ നിന്ന് കംപ്യൂട്ടർ സയൻസിലും ഫ്രഞ്ച് സാഹിത്യത്തിലും ബിരുദം നേടി. ബഷറുൽ അസദുമായി വിവാഹം നടന്ന 2000 ഡിസംബറിൽ ഹാർവാർഡ് സർവ്വകലാശാലയിൽ നിന്ന് എംബിഎ ബിരുദം നേടാനുള്ള ഒരുക്കത്തിലും ഒരു ഇൻവെസ്റ്റ്‌മെന്റ് ബാങ്കിൽ ജീവനക്കാരിയുമായിരുന്നു. വിവാഹത്തോടെ ബാങ്കിങ് ജോലി ഉപേക്ഷിച്ചു. മൂന്നു മക്കൾ പിറന്നതോടെ, സിറിയയിൽ തന്നെ താമസമാക്കി.
ആദ്യകാല ജീവിതം, വിദ്യാഭ്യാസം
1975 ഓഗസ്റ്റ് 11ന് ഫവാസ് അഖ്‌റാസ് എന്ന കാർഡിയോളജിസ്റ്റിന്റെയും അദ്ദേഹത്തിന്റെ ഭാര്യ സഹർ അഖ് റാസിന്റെയും മകളായി ലണ്ടനിൽ ജനിച്ചു. മാതാവ് ലണ്ടനിലെ സിറിയൻ എമ്പസിയിൽ ഫസ്റ്റ് സെക്രട്ടറിയായിരുന്നു[1] സിറിയയിലെ ഹോംസ് നഗരത്തിൽ നിന്നുള്ള സുന്നി മുസ്‌ലിം കുടുംബത്തിലെ അംഗങ്ങളായിരുന്നു മാതാപിതാക്കൾ.[1][5] .
വളർന്നത് ലണ്ടനിലെ ആക്ടണിൽ. അവിടെയുള്ള ടൈഫോർഡ് ചർച്ച് ഓഫ് ഇംഗ്ലണ്ട് ഹൈ സ്‌കൂളിലും പിന്നീട് ലണ്ടനിലെ ക്വീൻസ് കോളേജിലും പഠനം നടത്തി.[6] 1996ൽ ലണ്ടനിലെ കിങ്‌സ് കോളേജിൽ നിന്ന് കംപ്യൂട്ടർ സയൻസിൽ ബിരുദവും ഫ്രഞ്ച് സാഹിത്യത്തിൽ ഡിപ്ലോമയും നേടി.[7] ഇംഗ്ലീഷ്, അറബിക്, ഫ്രഞ്ച്, സ്പാനിഷ് ഭാഷകൾ സംസാരിക്കും[1].