ഈവ് ക്യൂറി

1904 ഡിസംബർ 6 ന് ഫ്രാൻസിലെ പാരീസിലാണ് ഈവ് ഡെനിസ് ക്യൂറി ജനിച്ചത്. ശാസ്ത്രജ്ഞരായ മേരിയുടെയും പിയറി ക്യൂറിയുടെയും ഇളയ മകളായിരുന്നു ഈവ്. അവർക്ക് മറ്റൊരു മകളും ഉണ്ടായിരുന്നു ഐറിൻ (ജനനം 1897). 1906-ൽ ഒരു കുതിരവണ്ടി തട്ടി പിയറി മരണമടഞ്ഞതിനാൽ ഈവിന് അവളുടെ പിതാവിനെ ഫലത്തിൽ അറിയില്ലായിരുന്നു. ഈ അപകടത്തിന് ശേഷം, മേരി ക്യൂറിയെയും പെൺമക്കളെയും അവരുടെ പിതാമഹനായ ഡോ. യൂജിൻ ക്യൂറി കുറച്ചു കാലം പിന്തുണച്ചിരുന്നു. 1910-ൽ അദ്ദേഹം മരിച്ചപ്പോൾ, ഗൃഹാദ്ധ്യാപികയുടെ സഹായത്തോടെ പെൺമക്കളെ സ്വയം വളർത്താൻ മേരി ക്യൂറി നിർബന്ധിതയായി. കുട്ടിക്കാലത്ത് അമ്മയുടെ വേണ്ടത്ര ശ്രദ്ധക്കുറവ് അനുഭവിച്ചതായി ഈവ് പിന്നീട് സമ്മതിച്ചിട്ടുണ്ടെങ്കിലും പിന്നീട്, കൗമാരപ്രായത്തിൽ അവൾ അമ്മയുമായി ശക്തമായ വൈകാരിക ബന്ധം വളർത്തി.^[3]തന്റെ രണ്ട് പെൺമക്കളുടെയും വിദ്യാഭ്യാസത്തിനും താൽപ്പര്യങ്ങൾക്കുമായി മേരി വളരെയധികം ശ്രദ്ധിച്ചു. അതേസമയം ഐറിൻ അമ്മയുടെ പാത പിന്തുടർന്ന് ഒരു പ്രഗല്ഭ ശാസ്ത്രജ്ഞയായി (1935-ൽ ഭർത്താവ് ഫ്രെഡറിക് ജോലിയറ്റ്-ക്യൂറിയോടൊപ്പം രസതന്ത്രത്തിനുള്ള നൊബേൽ സമ്മാനം ലഭിച്ചു). ഈവ് കൂടുതൽ കലാപരവും സാഹിത്യപരവുമായ താൽപ്പര്യങ്ങൾ കാണിച്ചു. കുട്ടിക്കാലത്ത് പോലും അവർ സംഗീതത്തിനായി ഒരു പ്രത്യേക കഴിവ് പ്രകടിപ്പിച്ചു.

കാലാവസ്ഥ എന്തുതന്നെയായാലും, അവർ വളരെ ദൂരം നടക്കുകയും ബൈക്കുകളിൽ സവാരിചെയ്യുകയും ചെയ്തിരുന്നു. വേനൽക്കാലത്ത് അവർ നീന്താൻ പോയി, ഹൗട്ട്സ്-ഡി-സീനിലെ സീക്സിലുള്ള അവരുടെ വീടിന്റെ പൂന്തോട്ടത്തിൽ മേരി ജിംനാസ്റ്റിക് ഉപകരണങ്ങൾ സ്ഥാപിച്ചിരുന്നു. ഈവും, ഐറിനും തയ്യൽ, പൂന്തോട്ടപരിപാലനം, പാചകം എന്നിവയും പഠിച്ചു.

പെൺകുട്ടികൾ ഫ്രഞ്ച് പൗരന്മാരായിരുന്നു (പിന്നീട് ഈവ് ഒരു അമേരിക്കൻ പൗരനായി), അവരുടെ ആദ്യത്തെ ഭാഷ ഫ്രഞ്ച് ആയിരുന്നുവെങ്കിലും, അവരുടെ പോളിഷ് ഉത്ഭവത്തെക്കുറിച്ച് അവർക്ക് പരിചിതവും പോളിഷ് സംസാരിക്കുന്നവരുമായിരുന്നു. 1911-ൽ അവർ പോളണ്ട് സന്ദർശിച്ചു (തെക്കൻ ഭാഗം, അന്ന് ഓസ്ട്രിയൻ ഭരണത്തിൻ കീഴിലായിരുന്നു). പോളണ്ട് സന്ദർശന വേളയിൽ അവർ കുതിരപ്പുറത്തു സവാരി നടത്തുകയും മലകളിൽ കാൽനടയായി യാത്ര ചെയ്യുകയും ചെയ്തിരുന്നു.^[4]

1921-ൽ, ഈവ് അറ്റ്ലാന്റിക് സമുദ്രത്തിലൂടെയുള്ള ആദ്യ യാത്ര ആരംഭിച്ചു. ആ വസന്തകാലത്ത്, അവൾ സഹോദരിയോടും അമ്മയോടും കൂടി ആർ‌എം‌എസ് ഒളിമ്പിക് കപ്പലിൽ ന്യൂയോർക്ക് സിറ്റിയിലേക്ക് യാത്രയായി. റേഡിയവും പോളോണിയവും കണ്ടെത്തിയതിൽ നോബൽ സമ്മാനത്തിന്റെ രണ്ടുതവണ സമ്മാന ജേതാവെന്ന നിലയിൽ മേരി ക്യൂറിയെ എല്ലാ ചടങ്ങുകളോടെയും സ്വാഗതം ചെയ്തു. അവരുടെ പെൺമക്കളും അമേരിക്കൻ ഉന്നത സമൂഹത്തിൽ വളരെ പ്രചാരത്തിലായിരുന്നു. പാർട്ടികളിൽ പ്രസന്നവും സന്തോഷകരവുമായ ഈവ്നെ "റേഡിയം കണ്ണുള്ള പെൺകുട്ടി" എന്ന് മാധ്യമങ്ങൾ വിശേഷിപ്പിച്ചു.^[5]യാത്രയ്ക്കിടെ ഈവും ഐറിനും അവരുടെ അമ്മയുടെ "അംഗരക്ഷകരായി" പ്രവർത്തിച്ചു. സാധാരണയായി ഗവേഷണ പ്രവർത്തനങ്ങളിൽ ശ്രദ്ധ കേന്ദ്രീകരിക്കുകയും ലളിതമായ ജീവിതത്തിന് മുൻഗണന നൽകുകയും ചെയ്യുന്ന മേരിക്ക് നൽകിയ ആദരപ്രകടനം അഭിമുഖീകരിക്കുന്നതിൽ എല്ലായ്പ്പോഴും ആനന്ദപ്രദമായിരുന്നില്ല. അമേരിക്കൻ ഐക്യനാടുകളിൽ ആയിരിക്കുമ്പോൾ, മാരി, ഐറിൻ, ഈവ് എന്നിവർ പ്രസിഡന്റ് വാറൻ ജി. ഹാർഡിംഗിനെ വാഷിംഗ്ടൺ ഡി.സിയിൽ കണ്ടുമുട്ടി. നയാഗ്ര വെള്ളച്ചാട്ടം കാണുകയും ഗ്രാൻഡ് കാന്യോൺ കാണാൻ ട്രെയിനിൽ പോകുകയും ചെയ്തു. 1921 ജൂണിൽ അവർ പാരീസിലേക്ക് മടങ്ങി.

Ève Curie എന്ന വിഷയവുമായി ബന്ധപ്പെട്ട ചിത്രങ്ങൾ വിക്കിമീഡിയ കോമൺസിലുണ്ട്.

• Ève Curie's biography
• Ève Curie's in Encyclopedia of World Biography
• The Land of My Mother – Polish-American documentary movie narrated by Eve Curie, 1941 യൂട്യൂബിൽ
• Obituary from The Times, October 26, 2007
• Obituary from The Daily Telegraph, November 8, 2007 Archived 2008-01-18 at the Wayback Machine.
• Obituary from The New York Times, October 25, 2007
• Illustrated biography by Richard F Mould in English (PDF format) Archived 2016-03-04 at the Wayback Machine.
• LIFE photo essay 'Doubleday Party for Eve Curie' 1939
• TIME magazine cover featuring Eve Curie^{[പ്രവർത്തിക്കാത്ത കണ്ണി]}
• LIFE photo Captain Nolan tells Eve Curie her baggage was left behind in New York
• LIFE photo Eve Curie map reading with Frenchman Charles Rist on board Pan Am Clipper to Lisbon 1940
• LIFE photo Eve Curie leads the passengers off the Boeing 314 at Lisbon 1940
• LIFE photo Eve Curie dining with companions on the Lisbon bound Clipper 1940
• LIFE Magazine Atlantic Clipper article featuring Eve Curie as passenger
• Works by or about ഈവ് ക്യൂറി at Internet Archive
• ഈവ് ക്യൂറി at Find a Grave