കാഥോഡ് റേ ട്യൂബ്

കാഥോഡ് റേ ട്യൂബ് (സി. ആർ. ടി) ഒരു ശൂന്യമായ ട്യൂബ് ആണ്. ഈ ട്യൂബിനകത്ത് ഒന്നോ അതിലധികമോ ഇലക്ട്രോൺ ഉൽസർജ്ജിക്കുന്ന ഇലക്ട്രോൺ തോക്കുകളും ഒരു ഫ്ലൂറസെന്റ് സ്ക്രീനും അടങ്ങിയ സംവിധാനമാണുള്ളത്. ^[1] ഇലക്ട്രോൺ രശ്മികളെ സ്ക്രീനിലേയ്ക്ക് ത്വരിതപ്പെടുത്തിയും വ്യതിചലിപ്പിച്ചും പ്രതിബിംബങ്ങൾ രൂപപ്പെടുത്താനുള്ള സംവിധാനം ഇതിനുണ്ട്. ഈ പ്രതിബിംബങ്ങൾ വൈദ്യുത തരംഗരൂപത്തിലോ (ഓസിലോസ്കോപ്പ്), ചിത്രങ്ങളായോ (ടെലിവിഷൻ, കമ്പ്യൂട്ടർ മോണിട്ടർ), റഡാറിന്റെ ലക്ഷ്യങ്ങളോ മറ്റുള്ളവയോ ആയോ പ്രദർശിപ്പിക്കപ്പെടുന്നു. സി. ആർ. ടികൾ ആദ്യകാലത്ത് മെമ്മറി ഉപകരണങ്ങളായി ഉപയോഗിച്ചു. 1929-ൽ റഷ്യൻ ശാസ്ത്രജ്ഞനായ വ്ളാദിമീർ കോസ്മോ സ്വോറികിൻ കണ്ടുപിടിച്ച കൈനസ്കോപ്പിന്റെ ആധുനികരൂപമാണിത്.