പ്രധാന മധ്യാഹ്ന രേഖ

Prime Meridianഭൂമിശാസ്ത്രപരമായ കോർഡിനേറ്റ് സിസ്റ്റത്തിൽ രേഖാംശം 0° എന്ന് നിർവചിക്കപ്പെട്ടിരിക്കുന്ന പ്രധാന മെറിഡിയൻ ( രേഖാംശ രേഖ ) ആണ് പ്രധാന മധ്യാഹ്ന രേഖ അഥവാ പ്രൈം മെറിഡിയൻ (ഇംഗ്ലീഷ്: Prime meridian). പ്രൈം മെറിഡിയനും അതിന്റെ ആന്റി മെറിഡിയനും ( 360 ° സിസ്റ്റത്തിലെ 180 മത്തെ മെറിഡിയൻ ) കൂടിചേർന്ന് ഒരു ബൃഹത് വൃത്തമായി മാറുന്നു. ഈ വലിയ വൃത്തം ഒരു ഗോളത്തെ രണ്ട് അർദ്ധഗോളങ്ങളായി വിഭജിക്കുന്നു. നിർവചിക്കപ്പെട്ട പ്രൈം മെറിഡിയനിൽ നിന്ന് കിഴക്കും പടിഞ്ഞാറുമുള്ള ദിശകൾ ഒരാൾ ഉപയോഗിക്കുന്നുവെങ്കിൽ, അവയെ കിഴക്കൻ അർദ്ധഗോളവും പടിഞ്ഞാറൻ അർദ്ധഗോളവും എന്ന് വിളിക്കാം.

ഭൂമിയുടെയും ചന്ദ്രന്റെയും രേഖാംശങ്ങൾ അവയുടെ പ്രൈം മെറിഡിയനിൽ നിന്ന് 0 ° മുതൽ 180 ° വരെ കിഴക്കോട്ടും, 0 ° മുതൽ 180 ° വരെ പടിഞ്ഞാറുമായി അളക്കുന്നു. മറ്റെല്ലാ സൗരയൂഥങ്ങളുടെയും, രേഖാംശം 0 ° (അവയുടെ പ്രൈം മെറിഡിയൻ) മുതൽ 360° വരെയാണ് അളക്കുന്നത്. ഈ ഗോളങ്ങളുടെ ഭ്രമണം നേരെയുള്ളതാണെങ്കിൽ പടിഞ്ഞാറൻ രേഖാംശങ്ങൾ (° W ) ഉപയോഗിക്കുന്നു, അതായത് ഈ ഗോളങ്ങളുടെ ഭ്രമണം, വലതു കൈ നിയമം പിന്തുടരുന്നു. ഭ്രമണം എതിർഗതിയിലാണെങ്കിൽ കിഴക്കൻ രേഖാംശങ്ങൾ (° E) ഉപയോഗിക്കുന്നു. ^[1] എന്നിരുന്നാലും, 180 ൽ കൂടുതലുള്ള ° E രേഖാംശങ്ങളെ 360 ൽ നിന്ന് മൂല്യം കുറച്ചുകൊണ്ട് ° W ലേക്ക് പരിവർത്തനം ചെയ്യാൻ കഴിയും. 180 ൽ കൂടുതലുള്ള °W കളെ ° E ലേക്ക് പരിവർത്തനം ചെയ്യുന്നതും ഇതേരീതിയിൽ തന്നെയാണ്.