സബാഹ് അൽ അഹ്‌മദ് അൽ ജാബിർ അൽ സബാഹ്

1929 ജൂൺ 16 നാണ് സബാഹിന്റെ ജനനം. ^[2] 1930 കളിൽ അൽ മുബാറകിയ്യ സ്കൂളിൽ നിന്ന് പ്രാഥമിക വിദ്യാഭ്യാസം നേടിയ അദ്ദേഹം അദ്ധ്യാപകരുടെ കീഴിൽ വിദ്യാഭ്യാസം പൂർത്തിയാക്കി. ശൈഖ് ജാബിർ അൽ അഹ്‌മദ് അൽ സബാഹിന്റെ അർദ്ധസഹോദരനായിരുന്നു അദ്ദേഹം. വിമാനാപകടത്തെ തുടർന്ന് സഹോദരൻ കൊല്ലപ്പെട്ടു. ^[3] 2003-ൽ കുവൈത്ത് പ്രധാനമന്ത്രിയായി നിയമിക്കപ്പെടുകയായിരുന്നു സബാഹ്^[4]. അതിനുമുൻപ് 1963 മുതൽ 2003 വരെ വിദേശകാര്യമന്ത്രിയായിരുന്നു.^[5] വിദേശകാര്യ മന്ത്രിയായിരിക്കെ തന്നെ ഉപപ്രധാനമന്ത്രി, ആക്റ്റിങ് ധനമന്ത്രി^[6] തുടങ്ങിയ സ്ഥാനങ്ങളും വഹിച്ചു വന്നു.

2006 ജനുവരി 15 ന്‌, അമീർ‌, ഷെയ്ഖ്‌ ജാബർ‌ മരിച്ചതോടെ, കുവൈത്തിലെ കിരീടാവകാശിയായ ഷെയ്ഖ് സാദിനെ പുതിയ അമീറാക്കി. ^[7] എന്നാൽ ആരോഗ്യപ്രശ്നങ്ങൾ മുൻനിർത്തി ശൈഖ് സാദ് രാജിവെക്കുകയും ^{[8] [9]} 2006 ജനുവരി 24-ന് പുതിയ അമീറായി ശൈഖ് സബാഹിനെ നാമനിർദ്ദേശം നടത്തുകയും ചെയ്തു.^[10] 2006 ജനുവരി 29 ന് ദേശീയ അസംബ്ലിയുടെ അംഗീകാരത്തോടെ അദ്ദേഹം സത്യപ്രതിജ്ഞ ചെയ്തു. ^[11]