സെലൂക്യാ-ക്ടെസിഫോൺ

ടൈഗ്രിസ് നദിയുടെ തീരത്ത് സ്ഥിതിചെയ്തിരുന്ന ഒരു നഗര പ്രദേശമായിരുന്നു സെലൂക്യാ-ക്ടെസിഫോൺ. ആധുനിക ഇറാഖിലാണ് ഇത് നിലനിന്നിരുന്നത്. സസ്സാനിദ് സാമ്രാജ്യത്തിന്റെ ആസ്ഥാന സിരാകേന്ദ്രങ്ങൾ ആയിരുന്ന സെലൂക്യാ, ക്‌ടെസിഫോൺ എന്നീ ഇരട്ടനഗരങ്ങൾ ഇതിൽ ഉൾപ്പെടുന്നു. പ്രാദേശികമായി നഗരങ്ങൾ എന്ന അർത്ഥം വരുന്ന അൽ-മദായിൻ (അറബി: المدائ‬) എന്നാണ് ഇത് അറിയപ്പെടുന്നത്. സാമ്രാജ്യത്തിന്റെ സുവർണ്ണ കാലഘട്ടത്തിൽ ലോകത്തിലെ ഏറ്റവും വലിയ നഗരമായി വിശേഷിപ്പിക്കപ്പെട്ടിരുന്ന ഈ പ്രദേശം പേർഷ്യയിലെ അറബ് അധിനിവേശത്തോടെ തകർച്ചയിലേക്ക് വീണു.^[1][2] പേർഷ്യയിലെ അറബ് അധിനിവേശത്തിന് മുമ്പ് കിഴക്കിന്റെ സഭയുടെ ആസ്ഥാനം സ്ഥിതിചെയ്യുന്നതും ഈ പ്രദേശത്ത് ആയിരുന്നു.^[3][4]