സ്ത്രീകളിലെ സ്ഖലനം

ചില സ്ത്രീകളിൽ സ്കീനെ ഗ്രന്ഥിയിൽ നിന്നും മറ്റു ഗ്രന്ഥികളിൽ നിന്നും മറ്റുമുണ്ടാകുന്ന സ്രവങ്ങൾ രതിമൂർച്ഛയിലോ അതിനു മുൻപോ യോനിയിലൂടെ പുറന്തള്ളുന്നതിനെ സ്ത്രീകളിലെ സ്ഖലനം (സ്ത്രീസ്ഖലനം മദനജലം) എന്നു വിളിക്കുന്നു. ^[1]ഇംഗ്ലീഷ്: Female ejaculation, squirting ( gushing), ഇത് ഒരു സ്പൂൺ അളവിൽ (2-5 സി.സി.) ഉണ്ടാകുന്ന വെള്ളം കലർന്ന പാലുപോലെയോ മധുരമുഌഅതോ മൂത്രത്തിന്റെ ഗന്ധമില്ലാത്തതോ ആയ ദ്രാവകമാണ്. ^[2] ഈ പ്രതിഭാസം സ്ത്രീയുടെ ലൈംഗികകേളികളിൽ സുഖകരമായ അനുഭൂതി നൽകുന്നതായാണ് ശാസ്ത്രജ്ഞന്മാർ കരുതുന്നത്.

ശാാസ്ത്രീയ പഠനങ്ങൾ സ്ഖലനവും സ്ക്വർട്ടിങ്ങും രണ്ടും രണ്ടാണെന്നാണ് തെളിയിക്കുന്നത്. സ്ക്വർട്ടിങ്ങ് മൂത്രാശയത്തിൽ നിന്ന് പുറന്തള്ളപ്പെടൂന്ന ദ്രാവകമാണെന്നും അതിൽ കൂടുതലും മൂത്രം ആണെന്നും പഠനങ്ങൾ സൂചിപ്പിക്കുന്നു.^[3][4] സ്ത്രീകളിലെ സ്ഖലനം കോയ്റ്റസ് ഇൻകോണ്ടിനെൻസുമായി തമ്മിൽ തെറ്റി നിർദ്ധാരണം നടത്താറുണ്ട് ^[5][6]

സ്ത്രീകളിലെ സ്ഖലത്തെക്കുറിച്ച് നിരവധി പഠനങ്ങൾ നടന്നിട്ടുണ്ട് .^[7] എന്നാൽ ശാസ്ത്രീയമായ തെളിവുകളുടെ അഭാവം മൂലം ശാസ്ത്രജ്ഞർക്കിടയിൽ ഏകാഭിപ്രായമില്ല. പല പഠനങ്ങളിലും ഉള്ള പ്രശ്നങ്ങൾ അതായത്, ആവശ്യത്തിനു അംഗബലം ഇല്ലാതിരിക്കുക, ചെറിയ കൂട്ടത്തെ മാത്രം പഠിക്കുക, തിരഞ്ഞെടുപ്പിലുള്ള പ്രശ്നങ്ങൾ തുടങ്ങിയവ കാണപ്പെടുന്നു, കൂടുതൽ പഠനങ്ങളും നടന്നിട്ടുള്ളത് സ്ഖലനസ്രവത്തിന്റെ ഘടന മൂത്രവുമായി ബന്ധമുള്ളതാണോ എന്നറിയാനാണ്. ^[7][8] എന്നാൽ ലൈംഗികബന്ധം നടക്കുമ്പോൾ യോനിയിലൂടെ വരുന്ന ഏതു ദ്രാവകത്തെയും സ്ഖലനമായി കണക്കാക്കപ്പെടുന്നത് ഈ മേഖലയിൽ ആശയക്കുഴപ്പം സൃഷ്ടിക്കുന്നുണ്ട്. ^[8]